Мутахассисони Саридораи геология обшавии пиряхҳо ва хавфи омадани селро муайян мекунанд
Тоҷикобод, 31.08.2016. /АМИТ «Ховар»/. Дар натиҷаи обшавии зиёди пиряхҳо ва шикастани собиқ пиряхи «Пётри як»-и баландкӯҳҳои ноҳияи Тоҷикобод 28 августи соли равон оби дарёчаи шӯраки деҳаи Капалии ҷамоати деҳоти Қалъаи ноҳия зиёд гардида, ба хоҷагиҳои деҳаи Капалӣ хисороти зиёд овард. Истиқоматкунандаи деҳаи мазкур Ҳоҷивалӣ иброз намуд, ки ҳарчанд як адад трактор, як вагон занбӯри асал, захираи зимистона, аз қабили маводи хӯрокӣ, сӯзишворӣ, либосҳо ва хонаи истиқоматиам садамавӣ шуда бошанд ҳам, аммо рӯҳафтода нестам. Чунки зану фарзандонам 2 дақиқа пеш аз омадани сел аз хона ба ҷойи бехавф баромаданд ва ба онҳо осеб нарасид. Саломатии зану фарзандонам аз ҳамаи моли дунё болотар аст ва шукрона мекунем, ки зинда мондаем. Мо рӯҳафтода нестем, зеро ки Пешвои миллат Эмомалӣ Раҳмон дорем ва моро дар чунин рӯзҳо танҳо намегузоранд. Аз рӯзи омадани сел Ҳукумати ноҳия дар якҷоягӣ бо сокинони ноҳия ба зарардидагон кумакҳои аввалиндараҷа расонида истодаанд ва ба бартарафсозии офати табиӣ машғул мебошанд.
Айни замон комиссияи Ҳукумати Ҷумҳурии Тоҷикистон дар ҷойи ҳодиса фаъолият дорад.
Тибқи иттилои сардори ситод оид ба ҳолатҳои фавқулода ва мудофиаи граждании ноҳияи Тоҷикобод Аваз Сафарбеков, субҳи имрӯз бо супориши Ҳукумати Ҷумҳурии Тоҷикистон мутахассисони Саридораи геологияи назди Ҳукумати Ҷумҳурии Тоҷикистон тавассути чархбол ҳолати обшавии пиряхҳои мавҷуда ва то кадом андоза мавҷуд будани хавфи дубора омадани селро муайян месозанд. Айни замон мутахассисони соҳаи геология ба кори омӯзишӣ шурӯъ намудаанд.
Дар тамоми ноҳияҳои Тоҷикистон пойгоҳҳои базавии нави 4G насб карда мешаванд
Дар шаҳри Душанбе шабакаи байналмилалии беморхонаҳо «АҷиБадем» ифтитоҳ гардид
Шумораи бар асари тӯфони «Раи» ҳалокшудагон дар Филиппин ба 169 нафар расид
ҲУШДОР АЗ БОРОНҲОИ БОШИДДАТ ВА СЕЛ. Имрӯз дар баъзе ноҳияҳои Тоҷикистон борони бошиддат меборад
Дар ҷануби Чин тақрибан 110 ҳазор нафар аз сабаби бориши шадид ба ҷойи бехавф бурда шуданд
Сарфакорона истифода бурдани неруи барқ воситаи хеле муҳими таъминоти пурра бо барқ аст
Ширкати МегаФон Тоҷикистон бахшида ба Рӯзи пойтахти Тоҷикистон — Душанбе туҳфа намуд
Бар асари бархӯрди чархболҳо дар Малайзия 10 нафар ба ҳалокат расид
Гули шукуфта рамзи Соли ҳаракати ихтиёриёни ИДМ гардид
Дар партави Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф конференсияи илмӣ-амалӣ гузаронида шуд
Корхонаи бофандагии «Пиллаи тоҷик» аз абрешим атласу адраси аълосифат истеҳсол менамояд
Гурӯҳҳои корӣ дар ноҳияи Варзоб ба сокинони ҷамоатҳои шаҳраку деҳот иҷрои қонунҳои миллиро мефаҳмонанд
