50 нафар занони хонашин аз оилаҳои камбизоат дар ноҳияи Вахш бо кори доимӣ таъмин гардиданд
Душанбе, 16.09.2016. /АМИТ «Ховар»/. Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамкорӣ бо Сафорати Ҷумҳурии Мардумии Чин маросими ифтитоҳи корхонаи дӯзандагиро дар ноҳияи Вахши вилояти Хатлон баргузор намуд. Лентаи рамзӣ аз ҷониби раиси Ҷамъияти дӯстии халқҳои Тоҷикистону Чин, раиси Кумита Қосимзода Идигул Тағо ва сафири Ҷумҳурии Мардумии Чин Юе Бин бурида шуда, корхона расман ба фаъолият оғоз намуд.
Дар корхонаи дӯзандагӣ 50 нафар занони хонашин аз оилаҳои камбизоат бо кори доимӣ таъмин гардида, имконияти беҳбуд бахшидан ба сатҳи молиявии оилаҳои худро пайдо намуданд.
Раиси Кумита Қосимзода Идигул Тағо иброз дошт, ки ҳамкории дуҷониба миёни Тоҷикистону Чин ба баланд бардоштани сатҳи некӯаҳволии занону духтарон, дар ҷомеа мавқеи хоса пайдо намудани онҳо, тарбияи дурусти фарзанд, солиму обод нигоҳ доштани оила ва тақвияти муносибатҳои оиладорӣ заминаи боэътимод хоҳад гузошт.
Ҳамчунин Сафири Ҷумҳурии Мардумии Чин Юе Бин гуфт, ки ҳамкории минбаъдаи ду кишвари ба ҳам дӯсту ҳамсоя боз ҳам густариш ёфта, дӯстиву рафоқат барои нақшаҳои ояндаи мо заминаи боэътимод хоҳад гузошт.
Тибқи нақша ду сехи дӯзандагӣ марҳила ба марҳила дар ноҳияи Вахш бо дастгирии молиявии сафорати Чин ба истифода дода хоҳанд шуд.
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
5 август дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
Дар шаҳри Панҷакент ҳашари экологии «Тозагии маҳал» гузаронида шуд
Имрӯз дар Тоҷикистон ҳаво тағйирёбандаи бебориш мешавад
ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид
Имрӯз дар Тоҷикистон ҳарорати ҳаво ба 39 дараҷа мерасад
Волейбол дар Вилояти Мухтори Кӯҳистони Бадахшон аз ҷиҳати тиҷоратӣ дастгирӣ ёфт
