Ҳамкории тиҷоративу иқтисодӣ байни Тоҷикистон ва Япония таҳким меёбанд

Душанбе, 14.09.2016 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Япония Ҳамрохон Зарифӣ 9 сентябр бо Президенти Палатаи савдо ва саноати Япония-Токио Тору Ишида мулоқот анҷом дод.
Зимни он ҷонибҳо роҷеъ ба таҳкими ҳамкории тиҷоративу иқтисодӣ байни Ҷумҳурии Тоҷикистон ва Япония мубодилаи афкор намуда, масъалаҳои вобаста ба имконияти ба роҳ мондани ҳамкории мустақим миёни палатаҳои савдо ва саноати ду кишвар, сохторҳои соҳавӣ ва соҳибкоронро бо назардошти имкониятҳои фаровони мутақобилаи истифоданашуда мавриди баррасӣ қарор доданд.
Сафири Тоҷикистон дар бораи вазъи тиҷоратӣ-иқтисодӣ ва сармоягузории кишвар, рушди мунтазами ин соҳаҳо ва навовариҳо дар фаъолияти соҳибкорӣ сухан намуд.
Ҷонибҳо таъкид карданд, ки баргузории вохӯриҳо ва чорабиниҳо миёни намояндагони соҳибкории хурду миёнаи Тоҷикистону Япония нақши муассир дар тавсиаи ин самт хоҳад дошт.