Бузургдошти ҷашни Истиқлолияти Тоҷикистон дар Файзободи Афғонистон
Душанбе, 14.09.2016 /АМИТ «Ховар»/. 9 сентябри соли 2016 дар бинои Консулгарии Ҷумҳурии Тоҷикистон дар ноҳияи Файзободи Ҷумҳурии Исломии Афғонистон вобаста ба таҷлили 25-умин солгарди Истиқлолияти Давлатии Ҷумҳурии Тоҷикистон пазироии ботантанаи расмӣ баргузор гардид. Умед Назаров, Консули Тоҷикистон дар ноҳияи Файзобод дастовардҳои Тоҷикистонро дар даврони Истиқлолият таъкид намуда, ҳолат ва дурнамои ҳамкории дуҷониба байни Тоҷикистону Афғонистонро барои рушди минтақа муҳим арзёбӣ намуд.
Волии Бадахшони Ҷумҳурии Исломии Афғонистон Аҳмад Файсал Бекзод мардуми Тоҷикистонро бо таҷлили солгарди Истиқлолияти давлатӣ табрик гуфта, оид ба ҳолати кунунии муносибатҳои дуҷониба ва бисёрҷониба, дурнамои ҳамкории сиёсӣ, иқтисодӣ, фарҳангӣ ва гуманитарӣ миёни ду кишвар сухан ронд.
Ҳамчунин филми мустанад ва видео-наворҳо дар бораи дастовардҳои Тоҷикистон дар даврони соҳибистиқлолӣ, фарҳанг, ҷойҳои таърихию табиати кишвар ва наворҳои намоишҳои фарҳангии Тоҷикистон бо иштироки Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешкаши меҳмонон гардид.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
