Чаро «Боинг 737-800» пас аз 3 соату 26 дақиқаи парвоз боз дар фурудгоҳи Душанбе фуруд омад?
Душанбе, 15.09.2016 /АМИТ «Ховар»/. Имрўз, 14 сентябри соли 2016, соати 00:33 ба вақти маҳаллӣ, ҳавопаймои «Боинг 737-800»-и ширкати ҳавопаймоии «Сомон Эйр», ки аз рўи хатсайри №203, самти Душанбе — Санкт-Петербург парвоз мекард, ба фурудгоҳи Душанбе баргардонида шуд.
Тавре ки котиби матбуотии «Сомон Эйр» Тимур Бандишоев ба АМИТ «Ховар» хабар дод, сабаби бозгашти ҳавопаймо ба Душанбе мушкилии индикатсия дар кабинаи ҳавонавардон буда, яке аз чархҳои ҳавопаймо ҷамъ нашудааст. Ҳайати парвоз тамоми таҷҳизоти заруриро назорат карда, бо мақсади таъмини бехатарии мусофирон қарор доданд ба фурудгоҳи ибтидоӣ баргарданд. Баъди сарфи миқдори зарурии сўзишворӣ, ки ба коҳиш додани вазни умумии нишасти ҳавопаймо вобаста мебошад, ҳавопаймо муваффақона ба фурудгоҳи Душанбе фуруд омад. Вақти умумии парвози ҳавопаймо 3 соату 26 дақиқаро дарбар гирифт.
«Мусофирони хатсайри мазкур соати 02:20 ба вақти маҳаллӣ, тавассути ҳавопаймои дигари ширкат «Боинг 737-900» ба шаҳри Санкт-Петербург фиристода шуданд. Ширкати ҳавопаймоии «Сомон Эйр» барои эҷод кардани нороҳатӣ аз ҳар як мусофири хатсайри Душанбе — Санкт-Петербург, инчунин аз дигар мусофироне, ки бо сабаби ҳодисаи авиатсионӣ вақти парвоз ва нишасташон дар ҷадвали парвозҳо тағйир дода шуд, маъзарат мепурсад. Феълан ширкати ҳавопаймоӣ ҷиҳати ҳар чи зудтар барқарор кардани ҷадвали парвозҳо ва ба самтҳои зарурӣ расонидани мусофирон саъю кўшиши зиёд дорад. Шахсоне, ки хоҳиши супоридани чиптаҳояшонро доранд, маблағи чиптаро хазина ба онҳо бозмегардонад»,-илова намуд Тимур Бандишоев.
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
