Дар Душанбе конфронси байналмилалии «Ошкорсозии таҳдидҳои геостратегӣ ҷиҳати пешбурди иқтисодиёт дар чаҳорчӯби қонун дар Афғонистон дар давраи даҳсолаи нав» ҷараён дорад
Душанбе, 22.09.2016. /АМИТ«Ховар» /. 21 сентябр дар шаҳри Душанбе бо ташаббуси Раёсати Созмони Милали Муттаҳид оид ба маводи нашъаовар ва ҷинояткорӣ, инчунин Маркази минтақавии Созмони Милали Муттаҳид оид ба дипломатияи боздоранда дар Осиёи Марказӣ конфронси байналмилалӣ дар сатҳи олӣ зери унвони «Ошкорсозии таҳдидҳои геостратегӣ ҷиҳати пешбурди иқтисодиёт дар чаҳорчӯби қонун дар Афғонистон дар давраи даҳсолаи нав» ба кор шурӯъ намуд. Дар кори он роҳбарони мақомоти дахлдор ва коршиносон аз кишварҳои Осиёи Марказӣ-Тоҷикистон, Қазоқистон, Қирғизистон, Эрон, Афғонистон ва Покистон, инчунин созмонҳои бонуфузи байналмилалӣ иштирок доранд.
Дар конфронс директори Агентии назорати маводи нашъаовари назди Президенти Ҷумҳурии Тоҷикистон Шерхон Салимзода гуфт, ки имрӯз лоиҳаҳои зиёде оид ба рушд ва инкишофи самтҳои мухталифи ҷомеаи Афғонистон, хусусан кишоварзӣ амалӣ шуда истодаанд ва бовар ҳаст, ки дар солҳои наздик шароит барои рушди истеҳсолот ва иқтисодиёти қиёсие, ки ҷои кишт ва истеҳсоли маводи мухаддирро бигирад, фароҳам хоҳад омад. Тоҷикистон аз дигар кишварҳо дида бештар манфиатдор аст, ки вазъ дар Афғонистони ҳамсоя муътадил гардад, чунки агар масъалаи назорати маводи нашъаовар дар ин кишварба таври мусбат ҳал шавад, оқибатҳои он ба вазъи нашъамандӣ на танҳо дар Тоҷикистон, балки дар тамоми минтақаи Авруосиё таъсири мусбат мерасонанд.
Дар конфронс иштирокчиён вазъи кунунии соҳаи амният дар Афғонистон ва минтақа, масъалаҳои пешгирӣ ва коҳиш додани сатҳи ҷиноятҳои иқтисодӣ, инчунин робитаи мутақобилаи парвариши кӯкнор бо муомилоти ғайриқонунии маводи нашъадорро таҳлил менамоянд.
Коршиносони сатҳи олӣ нисбат ба қабули чораҳои амалӣ аз тарафи Афғонистон, кишварҳои ҳамсоя ва аъзои ҷомеаи ҷаҳонӣ дар соҳаи мубориза бар зидди хариду фурӯши ғайриқонунии маводи нашъаовар, гурӯҳҳои муташаккили ҷиноӣ ва мусоидат ба рушди иқтисод дар чорчӯбаи қонун пешниҳодҳои худро ба иштирокчиён манзур менамоянд.
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
