Дар Пекин 25-умин солгарди Истиқлолияти давлатии Тоҷикистонро таҷлил карданд
Душанбе, 13.09.2016 /АМИТ «Ховар»/. 9 сентябри соли равон дар Идораи дипломатии Лянгмачаои шаҳри Пекин бо ибтикори Сафорати Ҷумҳурии Тоҷикистон дар Ҷумҳурии Мардумии Чин 25-умин солгарди Истиқлолияти давлатии Тоҷикистон бо ҳузури намояндагони ниҳодҳои расмии Ҷумҳурии Мардумии Чин, аз ҷумла роҳбарияти Вазорати корҳои хориҷӣ, намояндагони масъули вазоратҳои тиҷорат, амнияти ҷамъиятӣ, дифоъ, намояндагони расмии ҳукуматҳои музофотҳои кишвари иқомат, олимон ва коршиносони Чин, сохторҳои молиявии байналмилалӣ, ҳайати дипломатии кишвари иқомат, расонаҳои хабарӣ ва ҳамватанону донишҷӯёни тоҷик ҷашн гирифта шуд.
Сафири Фавқулода ва Мухтори Ҷумҳурии Тоҷикистон дар Ҷумҳурии Мардумии Чин Парвиз Давлатзода аз аҳамияти сарнавиштсози Истиқлолият дар ташаккули давлатдории навини тоҷикон бо ҳидояти Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дастовардҳои Тоҷикистон дар давоми 25 соли истиқлолият, истиқрори сулҳу ваҳдати миллӣ ва амну суботи фарогир дар кишвар, таҳкими давлату давлатдорӣ, пешрафти соҳаҳои гуногуни ҳаёти ҷомеа, дастовардҳои назаррас дар роҳи дастёбӣ ба се ҳадафи кишвар, ташаккули сиёсати хориҷии Тоҷикистон, инчунин равобиту ҳамкории дӯстона, ҳамсоягии нек ва шарокати стратегӣ бо Ҷумҳурии Мардумии Чин ёдовар шуд.
Муовини вазири корҳои хориҷии Чумҳурии Мардумии Чин Лю Ҳайсин зимни суханронии хеш мардуми Тоҷикистонро ба муносибати ҷашни фархунда таҳният гуфта, муваффақиятҳо ва дастовардҳои пураҳамияти Тоҷикистон дар роҳи бунёди давлатдорӣ таҳти роҳбарии Президенти Тоҷикистон Эмомалӣ Раҳмонро муҳим арзёбӣ кард.
Дар доираи ҷамъомади идона гӯшае вобаста ба Тоҷикистон ташкил карда шуда, китобҳо дар бораи сиёсат ва таъриху фарҳанг, анвои нақшу нигор ва либосҳои миллӣ ба намоиш гузошта шуданд. Ҳамчунин филми мустанад ва видео-наворҳо дар бораи дастовардҳои Тоҷикистон дар даврони соҳибистиқлолӣ, фарҳанг, ҷойҳои таърихию табиати кишвар ва наворҳои намоишҳои фарҳангии Тоҷикистон бо иштироки Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешкаши меҳмонон гардид.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
