Дастаи мунтахаби ҷавонони Тоҷикистон бо дастаҳои Аморати Муттаҳидаи Араб ва Эрон бозиҳои таҷрибавӣ барпо мекунад
Душанбе, 5.09.2016 / АМИТ «Ховар» /. Дастаи мунтахаби ҷавонони мамлакат идомаи тайёриро ба бозиҳои ниҳоии Чемпионати Осиё, ки аз 12 октябр то 30 октябр дар Баҳрайн мегузарад, дар Амороти Муттаҳидаи Араб барпо мекунад. Дар ин бора сомонаи расмии Федератсияи футболи кишвар хабар медиҳад.
Дастаи мунтахаби наврасони кишварамон дар ҷараёни тайёрӣ дар Амороти Мутаҳидаи Араб ду бозии дӯстонаи худро бо ҳамтоёнашон аз ин кишвар рӯзҳои 14 ва 16 сентябр доир карда, сипас ба ҷазираи Кеши Эрон сафар мекунад ва баъд аз тайёрӣ бо тими мунтахаби то 19- солаи Эрон бозии таҷрибавии худро сомон медиҳад.
Тими мунтахаби мамлакат аллакай ду марҳалаи омодагиро ба ин бозиҳо дар шаҳрҳои Норак ва Гулистон гузаронида, дар аввалин мусобиқаи байналмилалии дастаҳои Осиёи марказӣ «КАФА КАП» дар шаҳри Тошканд бо тимҳои мунтахаби то 19- солаи Узбекистон ва Туркманистон қувва озмуда, бо натиҷаи 4 бар 1 ва 2 бар 1 мағлуб шуд ва тими дуввуми соҳибони майдон-Узбекистонро бо нишондоди 7 бар 6 аз зарбаҳои баъдибозӣ шикаст дод.
Баъди бозгашт аз сафари Амороти Муттаҳидаи Араб ва ҷазираи Кеши Эрон аъзои дастаи мунтахаби кишварамон тайёриро дар шаҳри Душанбе идома хоҳанд дод.
Ёдовар мешавем, ки дастаи мунтахаби Тоҷикистон дар гурӯҳи «Д» бо тимҳои Узбекистон, Чин ва Австралия рақобат мекунад.
Тибқи низомномаи Чемпионати Осиё, чор дастаи пешсаф ба бозиҳои ниҳоии Ҷоми ҷаҳон роҳхат мегиранд. Агар мизбони бозиҳои ҷаҳонӣ- Кореяи ҷанубӣ яке аз чор зинаро ихтиёр кунад, пас тими панҷум аз Осиё ба бозиҳои ниҳоии Чемпионати ҷаҳон роҳхат ба даст хоҳад овард.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
