«Гуманизми тарбия- омили муҳими рушди зеҳни ҷавонон»- конфронси байналмилалии илмӣ дар Академияи таҳсилот

Душанбе, 14.09.2016. /АМИТ «Ховар»/. «Гуманизми тарбия- омили муҳими рушди зеҳни ҷавонон» — таҳти чунин унвон 15 сентябр бахшида ба 25-солагии Истиқлолияти давлатии Ҷумҳурии Тоҷикистон конфронси байналмилалии илмӣ дар Академияи таҳсилоти Тоҷикистон доир мегардад.
Тавре аз Академияи таҳсилоти Тоҷикистон хабар доданд, конфронс дар доираи мавзӯи «Асосҳои назариявии неруи зеҳнии миллии хонандагони ҷавон дар низоми таҳсилоти умумӣ» гузаронида мешавад.
Дар конфронс дар мавзӯъҳои «Тарбия- омили муҳими рушди зеҳни ҷавонон», «Гуманизми волои ӯ меросест аз башардӯстии халқи азиз», «Инсонгароӣ дар таълиму тарбия» ва ғайра маърӯзаҳо шунида мешаванд.