Ифтитоҳи корхонаи истеҳсолии ҶСП «Норд Азия Металл»

Сентябрь 13, 2016 08:28

Душанбе, 13.09.2016 /АМИТ «Ховар»/. Дар ноҳияи Спитамен Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчунин дар расми мавриди баҳрабардорӣ қарор додани корхонаи истеҳсолии Ҷамъияти саҳомии шакли пӯшидаи «Норд Азия Металл» иштирок намуданд.

Бунёд ва мавриди баҳрабардорӣ қарор гирифтани ҶСП «Норд Азия Металл» натиҷаи таваҷҷуҳ ва дастгириҳои пайвастаи Пешвои миллат муҳтарам Эмомалӣ Раҳмон нисбати соҳибкорони мамлакат буда, самараи ҳамкориҳои манфиатбори  доираи соҳибкорону сармоягузорони Тоҷикистон ва Ҷумҳурии Мардумии Чин мебошад. Сохтмони  корхона  соли  2014  оғоз  гардида барои бунёд ва васлу насби таҷҳизоти муосир дар он беш аз 23 млн. сомонӣ масраф шудааст, ки 11 млн. сомонии онро  арзиши  таҷҳизоту технологияҳои  корхона ташкил медиҳад.

Дар корхонаи навбунёд асосан қубурҳо ва профилҳои металии даврашакл ва чоркунҷашакл истеҳсол шуда иқтидори солонааш  60 ҳазор тонна металл мебошад. Ба ҳисоби маблағ  корхона дар як сол  дар ҳаҷми  50 млн. сомонӣ маҳсулот истеҳсол карда  ҳамсола  12 млн сомонӣ андоз месупорад.

Ҷамъияти саҳомии пӯшидаи “Норд Азия Металл” аз бинои маъмурӣ ва коргоҳҳои истеҳсолӣ иборат буда шароити мувофиқи корӣ дорад. Баробари мавриди истифода қарор гирифтани ин корхона беш аз 120 нафар соҳиби ҷойи корӣ гардида  2500  сомонӣ ва аз он зиёдтар маош мегиранд.

Зимни шиносоӣ бо рафти истеҳсолот ва техникаю технологияи корӣ Сарвари давлат муҳтарам Эмомалӣ Раҳмон таъкид бар он доштанд, ки дар баробари бунёд ва ташкили корхонаҳои муштараки истеҳсолӣ масъулини соҳа ҳамзамон бояд ба масъалаи омода намудани мутахассиони идоракунандаи кори истеҳсолот  ва технологияи муосир таваҷҷуҳи зарурӣ зоҳир карда бо ин васила дар пешбурди нишондиҳандаҳои соҳаи саноат, таъсиси ҷойҳои нави корӣ ва ғанӣ гардонидани буҷети давлатӣ нақши сазовор гузоранд.

Бо қаноатмандӣ метавон гуфт, ки бунёди чунин корхонаи азими саноатӣ, ки дар ҳамкорӣ бо соҳибкорони хориҷӣ ва      дар доираи татбиқи лоиҳаҳои муштараки сармоягузорӣ  амалӣ мегардад, далели воқеии фароҳам оварда шудани шароит ва имконияти мусоиди корӣ ба намояндагони бахши хусусӣ аз ҷониби давлат ва Ҳукумати Ҷумҳурии Тоҷикистон таҳти роҳбарии хирадмандонаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон мебошад.

Сентябрь 13, 2016 08:28

Хабарҳои дигари ин бахш

Президенти мамлакат Эмомалӣ Раҳмон бинои шуъбаи «Муҳофиза»-и ВКД дар ноҳияи Данғараро ба истифода супориданд
Пешвои миллат Эмомалӣ Раҳмон майдони варзиширо дар деҳоти Исмат Шарифи ноҳияи Данғара мавриди истифода қарор доданд
Президенти мамлакат Эмомалӣ Раҳмон бинои иловагии Муассисаи таҳсилоти миёнаи умумии рақами 8-ро дар ноҳияи Данғара мавриди баҳрабардорӣ қарор доданд
Сарвари давлат Эмомалӣ Раҳмон аз Намоиши ҳунарҳои мардумӣ ва маҳсулоти кишоварзӣ дар ноҳияи Данғара дидан намуданд
Президенти мамлакат Эмомалӣ Раҳмон Маркази фарҳангиро дар деҳаи Хуррамзамини деҳоти ба номи Исмат Шарифи ноҳияи Данғара ифтитоҳ намуданд
Пешвои миллат Эмомалӣ Раҳмон бинои маъмурии деҳоти ба номи Исмат Шарифро дар ноҳияи Данғара мавриди истифода қарор доданд
Президенти мамлакат Эмомалӣ Раҳмон Боғи Парчами давлатиро дар маркази деҳоти ба номи «Исмат Шариф»-и ноҳияи Данғара мавриди истифода қарор доданд
Сарвари давлат Эмомалӣ Раҳмон корхонаи коркарди ширро дар деҳаи Хуррамзамини ноҳияи Данғара ифтитоҳ намуданд
Пешвои миллат Эмомалӣ Раҳмон ба корҳои сохтмонӣ дар роҳи мошингарди «Данғара-Оқмазор» оғоз бахшиданд
Сарвари давлат Эмомалӣ Раҳмон бинои Раёсати Агентии суғуртаи иҷтимоӣ ва нафақаро дар ноҳияи Данғара мавриди истифода қарор доданд
Президенти мамлакат Эмомалӣ Раҳмон Муассисаи давлатии таълимии «Коллеҷи оташнишонӣ-техникӣ»-и Вазорати корҳои дохилӣ дар ноҳияи Данғараро ба истифода супориданд
Пешвои миллат Эмомалӣ Раҳмон бо роҳбарону фаъолони ноҳияи Темурмалик мулоқот намуданд