Муаррифии Тоҷикистон дар Кувайт
Душанбе, 22.09.2016 /АМИТ «Ховар»/. Шоми 20 сентябри соли 2016 бо ибтикори Сафорати Ҷумҳурии Тоҷикистон дар Давлати Кувайт дар толори Маркази фарҳангии Абулҳусайни Абдулризо бо иштироки дастаҳои ҳунарии Ҷумҳурии Тоҷикистон бахшида ба рӯзи Пойтахти фарҳанги исломӣ эълон шудани Кувайт маҳфили ҷашнӣ баргузор гардид.
Дар ҷашнвора аҳли ҳунару фарҳанги Тоҷикистон бо барномаи рангини консертӣ миллат ва Меҳани тоҷиконро дар сатҳи баланд муаррифӣ намуданд.
Ҳамчунин дар толори муҳташами Маркази фарҳангии Абулҳусайни Абдулризо намоишгоҳе доман афрохт, ки ҳадафи асосии он муаррифии кишвари биҳиштосои Тоҷикистон буд. Дар доираи ин ҷашнвора намоиши китобу мусаввараҳо дар бораи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, давлат ва миллати тоҷикон, ҳамчунин расму мусаввараҳои гуногуни инъикосгари таъриху тамаддун, фарҳанги оламшумули тоҷикон, муди либос ва асбобҳои миллӣ, намунаҳои маҳсули эҷодиёти санъати тасвирӣ ва кандакориҳо ба маърази намоиш гузошта шуд. Мавриди зикр аст, ки меҳмонон ва иштирокдорони ҷашнвора аз тамошои барномаи консертии ҳунармандони тоҷик ва намоишгоҳи густурда дар Кувайт таассуроти нек бардоштанд.
Имрӯз дар баъзе ноҳияҳои Тоҷикистон туман мефарояд
Паём — роҳнамои татбиқи идеяҳои низоми давлатдории миллӣ
Ба 10 зани ҳунарманд ва соҳибкори шаҳри Бӯстон гранти раиси шаҳр тақдим карда шуд
Имрӯз дар шаҳри Душанбе бориши борон ва барф дар назар аст
Оид ба рушди ҳунармандӣ ва истифода аз грантҳои президентӣ дар ноҳияи Рӯдакӣ машғулияти омӯзишӣ доир гардид
Доир ба нақши Китобхонаи миллии Тоҷикистон дар омӯзиши забонҳои чинӣ ва кореягӣ конфронс доир шуд
Дар вилояти Суғд ғолибони озмунҳо қадрдонӣ гардиданд
Дар шаҳри Ҳисор маъракаи азнавбақайдгирии нафақагирон идома дорад
Имрӯз дар Тоҷикистон зимистони астрономӣ фаро мерасад
Имрӯз дар баъзе ноҳияҳои Тоҷикистон бориши борон ва барф дар назар аст
