Панҷакент: мулоқоти судманд ба хотири пешгирии ҷавонон аз шомилшавӣ ба ҳизбу ҳаракатҳои террористию экстремистӣ
Душанбе, 30.09.2016. /АМИТ «Ховар»/. Дирӯз дар шаҳри Панҷакент бо ибтикори Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар мавзӯи «Гаравиши ҷавонон ба ҳизбу ҳаракатҳои ифротӣ» ҷамъомад баргузор гардид.
Дар он сардори Раёсати ҷавонон, варзиш ва сайёҳии вилояти Суғд Зариф Мирдадо оид ба ифротгароии ҷавонон, омилҳо ва роҳҳои пешгирии шомилшавии ҷавонон ба ҳизбу ҳаракатҳои террористию экстремистӣ, ки ба амнияти давлатҳо хатари ҷиддӣ эҷод менамоянд, инчунин огоҳ сохтани мардум, бахусус ҷавонон аз оқибатҳои нохуши ин ҳодисаҳои номатлуб сухан гуфт. Ҳамчунин кормандони шуъбаи ВКД ҶТ дар вилояти Суғд дар атрофи ҳизбу ҳаракатҳои ғайриқонунии террористию экстремистӣ суҳбати судманд карданд.
Намояндагони Кумита бо сокинони Ҷамоати деҳоти Саразм вохӯрданд. Зимни вохӯрӣ аз сарнавишти ҷавононе, ки фирефтаи хоҷагони хориҷӣ шуда, ба ҳар гуна ҳизбу ҳаракатҳои ифротӣ шомил шудаву инак бо пушаймонӣ ба Ватан баргаштаанд, филми ҳуҷҷатӣ намоиш дода шуд.
Дар ин бора сармутахассиси бахши ҷавонон, варзиш ва сайёҳии шаҳри Панҷакент Некруз Кенҷаев ба АМИТ «Ховар» хабар дод.
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
3010 нафар сайёҳони хориҷӣ манзараҳои нотакрори Ховалингро тамошо намуданд
Дар Хатлон 165 бинои нави муассисаҳои таълимӣ бунёд карда мешавад
6 август дар вазоратҳои рушди иқтисод ва савдо, саноат ва технологияҳои нав, Кумитаи давлатии сармоягузорӣ ва идораи амволи давлатӣ ва Агентии омор нишасти матбуотӣ баргузор мегардад
Имрӯз дар Тоҷикистон гармии ҳаво ба 37 дараҷа мерасад
ТАҚВИМИ АМИТ «ХОВАР»: имрӯз 5 август, сешанбе, 217-умин рӯзи соли 2025 аст
Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
