Ташаккули гузаргоҳҳои иқтисодӣ, нақлиётӣ ва кластерҳо мавриди баррасӣ қарор гирифт

Душанбе, 29.09.2016. /АМИТ «Ховар»/. Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода бо директори Институти Ҳамкории Минтақавии Иқтисодии Осиёи Марказӣ (ҲМИОМ) Кубат Умурзаков мулоқот намуд.
Ба иттилои маркази матбуоти Вазорати рушди иқтисод ва савдо, дар вохӯрӣ, ки намояндагони вазорату идораҳои дахлдори кишвар низ ҳузур доштанд, ҷонибҳо дар атрофи масъалаҳои диверсификатсия ва ташаккули гузаргоҳҳои иқтисодӣ, нақлиётӣ ва кластерҳо, ҳамкорӣ дар соҳаи гумрук, мусоидат ба савдо ва ҳамкории давлатҳои ҲМИОМ дар соҳаи кишоварзӣ мубодилаи афкор намуданд.
Дар анҷом тарафҳо азми қавии худро ҷиҳати густариши минбаъдаи ҳамкории дуҷониба байни Тоҷикистон ва Институти ҲМИОМ дар ҳамаи самтҳои дорои афзалияти иқтисодӣ баён доштанд.