«Тоҷикистон кишвари ман, мулки беҳамтои ман»-озмуни иншои беҳтарин дар минтақаи Рашт
Душанбе, 14.09.2016 /АМИТ «Ховар»/. Имрӯз бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикстон ва Федератсияи футболи Тоҷикистон дар доираи барномаи «Меҳмонии ҷавонон» дар минтақаи Рашт озмуни иншои беҳтарин дар мавзӯи «Тоҷикистон кишвари ман, мулки беҳамтои ман» баргузор гардид.
Озмун бо мақсади ҳавасманд намудани ҷавонони маҳал, ҷалб намудани онҳо ба омӯзиши илмҳои муосир, эҷодкорӣ, рушди малакаҳои зеҳнӣ, омода кардани ҷавонону наврасон ба талаботи ҳаёти имрӯза ва муқовимат ба тазодҳои замони муосир равона карда шудааст.
Тавре Фатҳиддин Солеҳов, директори Маркази миллии имконоти ҷавонони Кумитаи ҷавонон, варзиш ва сайёҳӣ иброз дошт, дар озмун ҷавонону наврасони аз 14 то 30-сола аз муассисаҳои таълимӣ ҷалб гардиданд.
Ба иттилои Фатҳиддин Солеҳов, баъд аз баргузор гардидани озмуни мазкур дар шаҳраки Сарбанди ноҳияи Нуробод иншои ҷавондухтари фаъол Фирӯзаи Ҳабибулло беҳтарин дониста шуда, ғолиб интихоб гардид.
Озмуни иншои беҳтарин дар мавзӯи «Тоҷикистон кишвари ман, мулки беҳамтои ман» дар шаҳру ноҳияҳои минтақаи Рашт, аз ҷумла Нуробод, Тоҷикобод, Лахш идома ёфта, беҳтаринҳо дар чорабинии фарҳангӣ-фароғатии «Шоми дӯстии ҷавонон» бо туҳфаҳои Кумитаи ҷавонон, варзиш ва сайёҳӣ сарфароз гардонида мешаванд.
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
