«Ёди ёри меҳрубон ояд ҳаме…». Таҷлили Рӯзи Рӯдакӣ дар Донишгоҳи миллии Тоҷикистон

Сентябрь 22, 2016 16:11

Душанбе, 22.09.2016. /АМИТ «Ховар»/. Имрӯз дар саросари кишвар Рӯзи Рӯдакӣ таҷлил мешавад. Ба ин муносибат бо ташаббуси факултети филологияи тоҷики Донишгоҳи миллии Тоҷикистон (ДМТ) конфронси илмӣ- амалии донишгоҳии рӯдакихонӣ бо иштироки устодону донишҷӯён ва меҳмонон аз дигар макотиби олии кишвар доир гардид.
Дар конфронси мазкур намояндагони илму адаб, аз ҷумла профессор Худоӣ Шарипов, профессор Мисбоҳиддини Нарзиқул, дотсент Мирзо Солеҳов, номзади илмҳои филологӣ Рустам Наботӣ ва муфассири ашъори шоирони классики тоҷику форс Масъуди Сипанд маърӯза намуданд.
Мисбоҳиддин Нарзиқулов изҳор кард, ки «дар ДМТ қабл аз он, ки 22-юми сентябр ҳамчун Рӯзи Рӯдакӣ таҷлил шавад, анъанае буд, ки дар арафаи иди Наврӯз ҳамеша маҳфили рӯдакихонӣ баргузор мегардид. Пас аз қарори Ҳукумати кишвар, ки 22-юми сентябр ҳамчун Рӯзи Рӯдакӣ дар кишвар ҷашн гирифта мешавад, маҳфили мо низ ба ин рӯз гузаронида шуд».
Аспиранти соли дуюми факултети филологияи тоҷики ДМТ Ваҳдати Дайхудо андешаи худро оид ба ин рӯз чунин баён намуд: «Гузаронидани конфронс ва чорабиниҳои илмӣ бахшида ба рӯзи гиромидошти Одамушшуаро Рӯдакӣ, Фирдавсӣ, Ҷомӣ ва Лоиқу дигар шоирону нависандагони муосир барои устодон, аспирантон, унвонҷӯён ва бахусус донишҷӯён, ки маълумоти пурра дар бораи эшон надоранд, хеле анъанаи хуб мебошад».

Сентябрь 22, 2016 16:11

Хабарҳои дигари ин бахш

Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
5 август дар Суди Олии иқтисодӣ, Хадамоти иҷро, Маркази тадқиқоти стратегӣ, «Амонатбонк» ва Маркази миллии тестӣ нишасти матбуотӣ баргузор мегардад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
«Интернет барои хона» ҳудудҳои навро дар Душанбе фаро мегирад
Дар шаҳри Панҷакент ҳашари экологии «Тозагии маҳал» гузаронида шуд
Имрӯз дар Тоҷикистон ҳаво тағйирёбандаи бебориш мешавад
ТАҚВИМИ АМИТ «ХОВАР»: имрӯз 4 август, душанбе, 216-умин рӯзи соли 2025 аст
Имрӯз дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид