Баргузории машварати омӯзишии адибони ҷумҳурӣ дар вилояти Суғд

Душанбе, 4.10.2016 /АМИТ «Ховар»/. Дирӯз дар вилояти Суғд Машварати омӯзишии адибони ҷумҳурӣ дар бахшҳои назм, нақди адабӣ, асарҳо барои бачагон ва наврасон, насру публитсистика ҷараён гирифт.
Бояд гуфт, ки муҳокимаи таълифоти адибони ҷавон дар бахши назм ва нақди адабӣ дар факултаи филологияи тоҷики Донишгоҳи давлатии Хуҷанд баргузор шуд ва аз ҷониби устодон Низом Қосим, Фарзона, Аскар Ҳаким, Гулназар, Камол Насрулло, Матлуба Хоҷаева, Замира Ғаффорӣ, Аҳмадҷон Раҳматзод, Нурмуҳаммад Ниёзӣ, Суруш ба ашъори шоирони ҷавон Фирдавси Аъзам, Бобаки Суғдӣ, Эҳсон Раҷабӣ, Насимбек Қурбонзода, Муҳриддин Сабурӣ, Шоҳбегим, Шоира Олимӣ ва дигарон баҳои баланд дода шуд.
Инчунин барои эҷоди шеърҳои беҳтарин аз ҷониби устодон ба адибони ҷавон маслиҳат ва тавсияҳо ироа гардид.
Ёдрас менамоем, ки машварати омӯзишии адибони ҷумҳурӣ имрӯз низ дар вилоят идома меёбад.