Баррасии мавзӯи забон, шаҳомат, мавқеъ ва аҳамияти он дар рушди маънавиёти шаҳрвандон дар конфронси илмӣ-адабӣ дар Ваҳдат

Ваҳдат, 04.10.2016. /АМИТ «Ховар»/. Бахшида ба Рӯзи забони давлатӣ Мақомоти иҷроияи маҳаллии ҳокимияти давлатии шаҳри Ваҳдат ҷиҳати таҷлили ин ид дар ҷамоатҳои шаҳраку деҳот ва маркази шаҳр бо иштироки адибону олимон вохӯриҳои судманд баргузор менамояд.
Инчунин дар мактабҳои таҳсилоти умумӣ ва миёнаи касбии шаҳр дар мавзӯъҳои «Аҳамияти қабули Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон»», «Омилҳои асосии рушди забони давлатии Ҷумҳурии Тоҷикистон», «Инъикоси мавзӯи забон, шаҳомат, мавқеъ ва аҳамияти он дар рушди маънавиёти шаҳрвандон дар адабиёти тоҷик» конфронсҳои илмӣ-адабӣ доир гардиданд, ки хонандагону донишҷӯён аз онҳо оид ба аҳамияти забони давлатӣ ва пос доштани он баҳра бардоштанд.