Чаро имсол нархи помидор дар бозорҳо қимат аст? Сабаб чист, ки имсол буттаҳои помидор ва ҳатто помидори сабзи даштҳои Файзободро куяи помидор нобуд сохт?

Октябрь 4, 2016 16:37

Файзобод, 04.10.2016. /АМИТ «Ховар»/. Кишоварзони ноҳияи Файзобод ҳамасола дар охири фасли тобистон ва аввали фасли тирамоҳ бозорҳои шаҳри Душанберо бо помидори хушсифат таъмин мекарданд. Вале имсол буттаҳои помидор ва ҳатто помидори сабзи даштҳои хоҷагиҳои деҳқонии ноҳияи Файзободро куяи помидор нобуд сохта, ба деҳқонон зарари калон расонид. Аз ин сабаб имрӯзҳо нархи 1 кг помидор дар бозорҳо то ба 7 сомонӣ расидааст.
Абдуҷаббор Саидов, яке аз помидорпарварони машҳури ноҳия изҳор намуд, ки «дар як гектар замин ба маблағи даҳ ҳазор сомонӣ помидор шинондем, аммо бо паҳн гаштани куяи минадори помидор ё омадани ҷели помидор ҳосили он пурра зарар дид. Беҳтарин заҳрхимикатҳои босифати аврупоиро ба рӯйи ин кирмҳо пошидем, вале куя дар як лаҳза ба ҳамон заҳр мутобиқ мегардаду намемирад, баръакс зиёд мегардад».
Тибқи иттилои деҳқонони мушоҳидакор, куяи мазкур дар як шабонарӯз то 250 дона тухм гузошта, он дар муддати 3 рӯз зинда мегардад ва ҳеҷ доруе ба он таъсир намерасонад. Баръакс, куя ба ҳама намуд заҳри пошидагӣ дар як лаҳза мутобиқ мегардад. Ба ин хотир онро дар Африка эбола ном кардаанд.
Куяи помидор зараррасони хавфноки зироати сабзавотӣ дар гармхонаҳо ва заминҳои кишти кушод мебошад. Ватани он Амрикои ҷанубӣ буда, соли 1980 ниҳоят ба тезӣ дар ҳамаи майдонҳои зироати дӯстдоштааш- помидор паҳн гардид. Ҳашароти мазкур бо роҳҳои гуногун дар Аврупо, Украина, Беларус, Фаронса, Италия, Тунис, Русия, Қазоқистон ва ниҳоят солҳои 2015-2016 дар Тоҷикистон пайдо шудааст.
Ба андешаи олимони соҳаи кишоварзӣ, куяи помидор бештар ба помидор, ба ғайр аз ин ба боимҷон, қаламфури булғорӣ, картошка ва дигар растаниҳои ҷинси ангури сагак зарар мерасонад.

Октябрь 4, 2016 16:37

Хабарҳои дигари ин бахш

Барои масъулини башхи молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
Дурнамои таҳсилоти донишҷӯёни тоҷик дар Донишгоҳи Бирмингем баррасӣ гардид
ТАВСИЯИ МУТАХАССИС. Барои безарар ва хушсифат консерва намудани маҳсулот чӣ бояд кард?
Имрӯз дар Тоҷикистон ҳаво то 33 дараҷа гарм мешавад
Хоҷагиҳои кирмакпарварии ноҳияи Рашт истеҳсоли беш аз 16 тонна пиллаи хушсифатро ба нақша гирифтаанд
Иштирокдорони Конфронси байналмилалии сатҳи баланд оид ба ҳифзи пиряхҳо дар Қалъаи Ҳисор бо таърихи халқи тоҷик шинос шуданд
Имрӯз дар Тоҷикистон ҳаво то 32 дараҷа гарм мешавад
ТАҚВИМИ АМИТ «ХОВАР»: имрӯз 2 июн, душанбе, 153-юмин рӯзи соли 2025 аст
Ба муносибати Рӯзи умумиҷаҳонии ҳифзи муҳити зист дар Ҳисор аксияҳо гузаронида шуданд
Нақши Пешвои миллат дар ҳифзи сарчашмаҳои ҳаёт дар заминаи Истиқлол ва Ваҳдати миллӣ