Дар ҷаласаи Шӯрои ҷамъиятии назди Президенти Ҷумҳурии Тоҷикистон амалӣ гардидани ҳадафи таъмини амнияти озуқаворӣ дар кишвар баррасӣ шуд

Октябрь 13, 2016 14:09

Душанбе, 13.10.2016./АМИТ «Ховар»/. Имрӯз дар «Кохи Ваҳдат» ҷаласаи навбатии Шӯрои ҷамъиятии назди Президенти Ҷумҳурии Тоҷикистон дар мавзӯи «Оид ба татбиқи сиёсати Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ҷиҳати амалӣ гардидани ҳадафи таъмини амнияти озуқаворӣ дар кишвар: дурнамо, дастовардҳо ва мушкилот» баргузор гардид.
Дар ҷаласаи мазкур Бобошоҳзода Муҳаммадшариф, мушовири Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, Сатторӣ Изатулло, вазири кишоварзии Ҷумҳурии Тоҷикистон, Ҷабборзода Гулрӯ, муовини вазири рушди иқтисод ва савдои ҶТ, Асозода Нуралӣ, президенти Академияи кишоварзии ҶТ ва Акрам Рӯзиев, муовини вазири саноат ва технологияҳои нави ҶТ иштирок намуданд.
«Масъалае, ки имрӯз бо ибтикори Ҳизби аграрии Тоҷикистон дар ҷаласаи Шӯрои ҷамъиятӣ мавриди баррасӣ қарор дорад, аз масъалаҳои муҳими имрӯзаи на танҳо Тоҷикистони соҳибистиқлол, балки тамоми сайёра ба шумор меравад. Бояд гуфт, ки амнияти озуқаворӣ як унсури амнияти миллӣ низ ба шумор меравад, зеро вақте ки одамон дар ҳама ҳолат аз нуқтаи назари физикӣ ва иқтисодӣ ба амнияти озуқаворӣ дастрасӣ доранд, онҳо бештар ба тарзи ҳаёти солим ва фаъол рӯ меоранд»,-иброз дошт Бобошоҳзода Муҳаммадшариф, мушовири Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа дар ҷаласа.
Узви Шӯрои мазкур Абдуҳалим Ғаффоров, вакили Маҷлиси намояндагони Маҷлиси Олии Ҷумҳурии Тоҷикистон оид ба масъалаи баррасишаванда дар ҷаласа ибрози андеша намуда, гуфт: «Президенти Ҷумҳурии Тоҷикистон муҳтарам Эмомалӣ Раҳмон дар Паёми имсола ба Маҷлиси Олии Ҷумҳурии Тоҷикистон се масъалаи бисёр муҳим: расидан ба истиқлолияти энергетикӣ, баромадан аз бунбасти коммуникатсионӣ ва амнияти озуқавориро мавриди баррасӣ қарор доданд, ки имрӯз дар рушду такмили он корҳои назаррас ба анҷом расонида мешаванд. Имрӯз дар Шӯрои ҷамъиятии назди Президенти Ҷумҳурии Тоҷикисон яке аз бандҳои асосии ин се масъалаи муҳим- амнияти озуқаворӣ мавриди баррасӣ қарор гирифт».
Дар ҷаласа зикр шуд, ки рушди соҳаи кишоварзӣ барои амнияти озуқаворӣ саҳм мегузорад ва яке аз масъалаҳои солим будани мардуми кишвар ва рушду такомули мамлакат аз амнияти озуқаворӣ вобастагии калон дорад.

Октябрь 13, 2016 14:09

Хабарҳои дигари ин бахш

Имрӯз дар шаҳри Душанбе ҳаво то 35 дараҷа гарм мешавад
Кумитаи меъморӣ ва сохтмони Тоҷикистон баҳри густариши раванди рақамикунонӣ Созишнома ба имзо расонид
Дар Маҷмааи варзишии шаҳри Хоруғ барои ҷоми Раиси вилоят мусобиқаи футболи хурд оғоз шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Фалсафаи ваҳдат ва истиқрори сулҳи тоҷикон». Таҳти ин унвон дар Донишгоҳи давлатии Кӯлоб ҳамоиш доир гардид
СОЛИ МАЪРИФАТИ ҲУҚУҚӢ. Бо сокинону фаъолони шаҳри Бохтар вохӯрӣ доир гардид
Дар шаҳри Турсунзода ҳамоиши «Корвони зиддимухаддиротӣ – 2024» доир шуд
«Ҷоми Ҳизби Халқии Демократии Тоҷикистон» насиби дастаи футболбозони ноҳияи Ҷалолиддини Балхӣ шуд
Донишҷӯёни Донишгоҳи техникии Тоҷикистон таҷрибаомӯзии истеҳсолиро дар Неругоҳи барқи обии «Қайроқум» мегузаронанд
Дар Хоруғ таҳти унвони «Модару бонувони ваҳдатсаро» ҳамоиш доир гардид
15-17 июн дар минтақаҳои алоҳидаи Тоҷикистон хавфи омадани сел боқӣ мемонад
ҲИФЗ ВА МУАРРИФИИ МЕРОСИ НИЁГОН. Ин мавзуъ дар меҳвари мулоқоти Президенти Тоҷикистон бо аҳли илм ва маорифи мамлакат қарор дошт