Истихроҷи наздик ба 900 ҳазор тонна ангишт дар конҳои вилояти Суғд дар 9 моҳ

Октябрь 15, 2016 11:35

Хуҷанд, 15.10.2016. /АМИТ «Ховар»/. Дар конҳои ангишти вилоят дар 9 моҳи соли равон 882 ҳазор тонна ангишт истихроҷ гардид, ки нисбат ба ҳамин давраи соли гузашта 336 ҳазор тонна ё худ 1,6 маротиба зиёд мебошад.
Тавре ба хабарнигори АМИТ «Ховар» мудири шуъбаи энергетика ва саноати МИҲД-и вилояти Суғд Озифхон Шарифзода иттилоъ дод: «Дар кони калонтарини вилоят — кони «Фон Яғноб»-и ноҳияи Айнӣ давоми 9 моҳи соли равон истихроҷи ангишт ба 511 ҳазор тонна расонида шуд, ки нисбат ба ҳамин давраи соли гузашта 103,7 ҳазор тонна зиёд буда, 125,5 фоизро ташкил медиҳад».
Ба иттилои манбаъ, падидаи нек дар соҳаи истихроҷи ангишти вилоят ин ба фаъолият шурўъ намудани корхонаи нави истихроҷи ангишт «Комбинати металлургии Тоҷик» дар ноҳияи Айнӣ мебошад. Корхонаи мазкур соли равон тавонист, ки аллакай 52 ҳазор тонна ангишт истихроҷ намояд.
Корхонаи «Талко ресурс»-и ноҳияи Айнӣ истихроҷи ангиштро 3 маротиба зиёд намуда, ба 276,3 ҳазор тонна расонид.
Ҳамзамон нишондиҳандаи баландтарини суръати афзоиши истихроҷи ангишт дар 9 моҳи соли равон ба корхонаи хурдакаки «Ғузн»-и ноҳияи Кўҳистони Мастчоҳ рост омад. Корхонаи мазкур ҳамагӣ 2,2 ҳазор тонна ангишт истихроҷ карда бошад ҳам, лек суръати афзоиши он нисбат ба ҳамин давраи соли гузашта 545 фоизро ташкил дод.
Мутаассифона, ҷамъияти саҳомии «Ангишт»-и шаҳри Исфара бинобар ҷой доштани мушкилиҳои фурўши ангишт, зеризаминӣ будани истихроҷ (ва дар ин замина баланд будани арзиши аслии он) ва вазъи душвори молиявӣ 37,2 ҳазор тонна ангиштро истихроҷ намуд, ки нисбат ба ҳамин давраи соли гузашта 5,8 ҳазор тонна ё 13,4 фоиз кам мебошад.
Ҳамзамон доир ба ташкили нуқтаҳои фурӯши ангишт О.Шарифзода илова намуд, ки «то имрӯз дар ҳудуди вилоят 636 нуқтаи фурӯши ангиштсанг амал менамояд, ки аз он 343 адад нуқтаи доимӣ ва 293 адад нуқтаи сайёри фурӯши ангиштсанг мебошад. Имрӯз дар ҳамаи нуқтаҳои фурӯш миқдори зарурии ангиштсанг мавҷуд буда, нархи он барои 1 кг вобаста ба сифати ангиштсанг аз 18 то 80 дирам мебошад».

Октябрь 15, 2016 11:35

Хабарҳои дигари ин бахш

Муассисаи Кумаки аввалияи тиббию санитарии шаҳри Кӯлоб ба давраи тирамоҳу зимистон омода мебошад
Дар ноҳияи Зафаробод 7 корхонаи қабулу коркарди пахта фаъолият менамоянд
ОЁ МЕДОНЕД? Истеъмоли ангур барои гирифторони иллатҳои дилу гурда ва шуш бештар судманд аст
Имрӯз дар доманакӯҳҳои Тоҷикистон ҳаво то 28 дараҷа гарм мешавад
Имконоти сайёҳии Тоҷикистон дар Форуми байналмилалии сайёҳии Манғистав муаррифӣ гардид
МегаФон Тоҷикистон туҳфаҳои аввалини иқдоми «МегаМиллион»-ро тақдим намуд
Имрӯз дар Тоҷикистон раъду барқ ба амал меояд
Орзуи миллионер шудан бо ZET-MOBILE воқеъист
1 октябр ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Лоиҳаи «Стратегияи Ҷумҳурии Тоҷикистон оид ба пешгирии экстремизм ва терроризм барои солҳои 2026-2030» баррасӣ шуд
Тоҷикистон ислоҳоти муассир ва одилонаи воситаҳои молиявии байналмилалиро ҷонибдорӣ менамояд