17 ноябр Рӯзи умумиҷаҳонии донишҷӯён ҷашн гирифта мешавад
Душанбе, 17.11.2016 /АМИТ «Ховар»/. Ҳамасола дар ҷаҳон 17 ноябр чун Рӯзи умумиҷаҳонии донишҷӯён ҷашн гирифта мешавад. Ин рӯз соли 1946 дар Конгреси умумиҷаҳонии донишҷӯён дар Прага эълон гардидааст.
Тавре Маҳмудхон Шоев, муовини сардори раёсати таҳсилоти олии касбӣ ва баъдидипломии Вазорати маориф ва илми Ҷумҳурии Тоҷикистон ба хабарнигори АМИТ «Ховар» иттилоъ дод, дар ин рӯз дар Тоҷикистон таваҷҷуҳ ба сифати таҳсили донишҷӯён равона мегардад. Теъдоди умумии донишҷӯён дар соли таҳсили 2015- 2016 дар мамлакат 178 ҳазору 109 нафарро ташкил медиҳад.
Ба гуфтаи Маҳмудхон Шоев, имрӯз шароити таҳсил дар донишгоҳу донишкадаҳои кишвар назар ба солҳои қаблӣ беҳтар буда, ҷавонон метавонанд бе мушкилӣ ба макотиби олии Тоҷикистон дохил шуда, сазовори номи донишҷӯ гарданд.
«Ҳукумати Ҷумҳурии Тоҷикистон дар якҷоягӣ бо Вазорати маориф ва илми Ҷумҳурии Тоҷикистон ҷиҳати баланд бардоштани савияи дониши донишҷӯён таваҷҷуҳи махсус зоҳир менамоянд ва баҳри таъмини онҳо бо таҷҳизоти нави таълимӣ пайваста саъю талош дорад. Ҳоло дар мактабҳои олӣ 505 синфхонаи компютерӣ барои донишҷӯён фаъолият менамоянд, ки дар онҳо 15 ҳазору 784 компютер мавҷуд аст. 8 ҳазору 506 компютер ба нуқтаҳои интернетӣ пайваст мебошанд»,- гуфт мавсуф.
Тибқи иттилои мусоҳиб, донишҷӯён дар баробари таъмин будан бо таҷҳизоти муосири илмомӯзӣ, инчунин бо хобгоҳҳои замонавӣ фаро гирифта шудаанд.
Боиси тазаккур аст, ки ҳоло 1867 нафар донишҷӯёни ҳориҷӣ дар макотиби олии Ҷуҳурии Тоҷикистон таҳсил менамоянд. Ин донишҷӯён шаҳрвандони беш аз 25 кишвари дунё мебошанд.
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
