Баррасии вазъ, тамоюл ва чолиш дар фаъолияти соҳибкорӣ

Ноябрь 30, 2016 11:26

dsc_0637Душанбе, 30.11.2016. /АМИТ «Ховар»/. «Сиёсати сармоягузории Тоҷикистон: вазъ ва дурнамо»-таҳти чунин унвон имрӯз дар Маркази тадқиқоти стратегии назди Президенти Ҷумҳурии Тоҷикистон Симпозиуми илмию амалии ҷумҳуриявӣ ба кори худ оғоз кард.
«Мақсад аз ҳамоиш мусоидат ба такмили ҳамгироии фаъолияти мақомоти давлатӣ, соҳибкорӣ ва ҷомеаи шаҳрвандӣ дар таъмини рушди устувори Тоҷикистон, ташкили муҳокимаҳои созанда ва мубодилаи афкор доир ба имконияту маҳдудиятҳои таъмини рушди сармоявии иқтисод буда, дастгирии пешниҳоду иқдомҳоест, ки ба таъмини самаранокии ҷараёни ислоҳоти иқтисодӣ дар доираи сиёсати сармоягузорӣ ва ҳамгироиҳои он бо афзалиятҳои соҳавию минтақавӣ мусоидат менамоянд»,-иттилоъ доданд аз Маркази тадқиқоти стратегӣ .
Сайфулло Сафаров, муовини аввали директори МТС иброз дошт, ки фазои сармоягузории Тоҷикистон дар солҳои охир беҳтар гашта бошад ҳам, то ҳол дар ин самт мушкилиҳо мавҷуданд. «Имрӯз мо зимни симпозиум тамоми монеаҳоро дар ин самт муҳокима хоҳем намуд. Дар доираи барномаи имрӯза иштирокчиён бисёр масъалаҳои ҷиддӣ ва ояндадорро мавриди таҳлил қарор медиҳанд»,-зикр намуд С.Сафаров.
Гулбаҳор Назирӣ, вакили МН МО ҶТ, узви кумитаи иқтисод ва молия илова намуд, ки соли равон бо мақсади таъмини иҷрои супоришҳои Президенти кишвар Эмомалӣ Раҳмон Қонуни ҶТ «Дар бораи сармоягузорӣ» дар таҳрири нав қабул гардид. «Ҳадаф аз қабули ин санадҳо беҳтар гардонидани фазои сармоягузорӣ, ҳавасмандгардонии сармоягузорон барои фаъолият дар кишвар, содда, возеҳ ва ба талаботи замон мутобиқ гардонидани заминаи ҳуқуқии соҳа мебошад. Қонунгузории мамлакат баробарҳуқуқии сармоягузорони ватанию хориҷиро таъмин менамояд. Дар ин маврид танзими қонунгузорӣ вобаста ба савдои берунии сармоягузорӣ, инчунин коҳиш додани боҷи гумрукӣ имкон дод, ки Тоҷикистон ҳамчун узви қомилҳуқуқии Ташкилоти умумиҷаҳонии савдо баромад намояд»,-афзуд Гулбаҳор Назирӣ.

Дар Симпозиуми илмию амалии ҷумҳуриявӣ масъалаҳои вазъи фазои сармоягузорӣ дар Ҷумҳурии Тоҷикистон, омилҳои сохтории рушди сармоявии иқтисод, тамоюлҳо дар сиёсати сармоягузорӣ, дастгирии ҳуқуқии ҷалби сармоя, сифати ниҳодҳои рушд ва фаъолияти сармоягузорӣ, афзалиятҳо дар сармоягузорӣ, имкониятҳои рушди саноатии Тоҷикистон, вазъ, тамоюл ва чолиш дар фаъолияти соҳибкорӣ ва ғайра баррасӣ мешаванд.
Дар кори симпозиум роҳбарони вазорату сохторҳои идоракунии давлатӣ, ташкилотҳои байналмилалӣ ва ғайридавлатӣ, марказҳову пажўҳишгоҳҳои илмию тадқиқотӣ, муассисаҳои таълимии олӣ ва намояндагони васоити ахбори оммаи ватанию хориҷӣ иштирок доранд.

Ноябрь 30, 2016 11:26

Хабарҳои дигари ин бахш

ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ҷамоати деҳоти Сомони Ҳисор беш аз 5 км роҳ мумфарш гардид
ОБУ ҲАВО: Имрӯз дар Тоҷикистон ҳаво тағйирёбанда шуда, борони кӯтоҳмуддат меборад
Даргузашти Домулло Ҳикматуллоҳи Тоҷикободӣ
ОБУ ҲАВО: Имрӯз дар Тоҷикистон ҳавои тағйирёбанда мешавад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Донишкадаи муносибатҳои байналмилалии Москва барои соли таҳсили 2021-2022 3 бурсияи таҳсилӣ ҷудо намуд
ОБУ ҲАВО: Имрӯз дар Тоҷикистон ҳаво тағйирёбанда шуда, дар баъзе ноҳияҳо борони кӯтоҳмуддат меборад
Дар мақомоти гумрук мусобиқаи кушоди варзишӣ ҷамъбаст шуд
Дар Донишгоҳи давлатии Данғара Фестивали бозиҳои варзишӣ доир гардид
Судяҳои шаҳри Ваҳдат Паёми Пешвои миллатро ба сокинон шарҳу тафсир медиҳанд
ОБУ ҲАВО: Имрӯз дар шаҳри Душанбе ҳаво 22+24 дараҷа гарм мешавад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд

Маводҳои таҳлилӣ