Баррасии вазъи коррупсия ва муқаррар намудани сатҳи он дар ҳамаи шохаҳои ҳокимияти давлатӣ

Душанбе, 29.11.2016 /АМИТ «Ховар»/. Вобаста ба баррасии натиҷаи тадқиқоти сотсиологӣ дар хусуси арзёбии вазъи коррупсия ва муқаррар намудани сатҳи он дар ҳамаи шохаҳои ҳокимияти давлатӣ дар Вазорати рушди иқтисод ва савдои Ҷумҳурии Тоҷикистон ҷамъомад баргузор гардид.
Дар ин бора ба АМИТ «Ховар» сардори маркази матбуоти Вазорати рушди иқтисод ва савдои Чумҳурии Тоҷикистон Нуралӣ Шоқурбонов хабар дод.
«Дар қатори дигар хатарҳо, ба мисли терроризм, экстремизм, гардиши ғайриқонунии маводи мухаддир, коррупсия ба давлатҳо, ташкилоту муассисаҳо, ҷомеаи шаҳрвандӣ ва билохира ба ҳар як узви ҷомеа зарари ҷиддӣ мерасонад»,-зикр намуд муовини вазири рушди иқтисод ва савдо Умед Давлатзод зимни ҷамъомад.
«Дар тадқиқоти сотсиологӣ доираи васеи сокинони кишвар ширкат варзида, фикру ақида ва мавқеи худро вобаста ба сатҳи коррупсия дар шохаҳои ҳокимият, сабабу омилҳои ба пайдоиши амалҳои коррупсионӣ мусоидаткунанда ва роҳҳои паст кардани он баён намуданд,-иброз дошт сардори Раёсати дуюми Сарраёсати пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Нигора Муқимӣ.
Дар интиҳои ҷамъомад миёни иштирокдорон мубодилаи афкор сурат гирифт.