Чойхонаи «Оиша»-тарғибгари таомҳои миллӣ дар Маскав

Ноябрь 26, 2016 11:13

Маскав, 26.11.2016. /АМИТ «Ховар»/. Баробари берун шудан аз истгоҳи метрои Майдони обӣ  (Водный стадион)  дар ноҳияи Головинскии шаҳри Маскав садои  мусиқии тоҷикӣ ба гӯшам расид. Маро эҳсоси хушҳолӣ фаро гирифта,  беихтиёр ба сӯи  ин макон роҳ пеш гирифтам.

Ин  садои мусиқии тоҷикӣ  аз чойхонаи «Оиша», ки дар калонтарин мағозаи машҳури  пойафзолфурӯшии   ин макон  бо номи  «Персей»  чойгир аст,  берун меомад.

Камолиддин Баротов,  мудири  чойхонаи мазкур, ки зодаи ноҳияи Шаҳритузи вилояти Хатлон аст, зимни суҳбат ба хабарнигори АМИТ «Ховар» гуфт: «Чойхонаи «Оиша» — ро мо  бо мақсади  хизмат расонидан ба ҳамватанонамон кушодем, то  онҳо  имконият дошта бошанд  дар ин ҷо таомҳои болаззати тоҷикиро тановул намоянд. Ҳамзамон суруду мусиқии  тоҷикиро шунида, фароғат баранд ва  ба ёди   Тоҷикистони азиз хумор бишкананд».

«Хушбахтона,  тавре шумо мебинед,  мо ба ҳадафамон расидем. Чойхонаи мо на танҳо барои  ҳамватанон, балки барои мардуми маҳаллӣ ва намояндагони дигар халкиятҳои шаҳри Маскав низ ба макони дӯстдошта табдил ёфтааст. Онҳо бо мақсади тановули хӯрокҳои тоҷикӣ, аз ҷумла ошу манту ва санбӯсаҳои тоҷикӣ  ба чойхонаи мо омада, ҳамроҳ бо худ ҳатман нонҳои тоҷикӣ мебаранд. Ин боиси ифтихори мо мебошад»-афзуд  дар идомаи суҳбат К.Баротов.

Дар чойхонаи «Оиша»  10 нафар ҳамватанони мо бо ҷои кор таьмин гардида,  маошашон аз 35000 то 50000 рубли русиро ташкил медиҳад. Ба ғайр аз ин, тамоми хароҷоти барасмиятдарории фаьолияти  кормандон аз ҳисоби даромади чойхона аст.

 

Рухсора Нурова, хабарнигори махсуси АМИТ «Ховар» дар ФР

img_20161119_162904 img_20161119_163002

Ноябрь 26, 2016 11:13

Хабарҳои дигари ин бахш

Дар партави Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф конференсияи илмӣ-амалӣ гузаронида шуд
Корхонаи бофандагии «Пиллаи тоҷик» аз абрешим атласу адраси аълосифат истеҳсол менамояд
Гурӯҳҳои корӣ дар ноҳияи Варзоб ба сокинони ҷамоатҳои шаҳраку деҳот иҷрои қонунҳои миллиро мефаҳмонанд
Имрӯз дар Тоҷикистон ҳавои тағйирёбандаи бебориш дар назар аст
Дар ҷамоатҳои шаҳру деҳоти Кӯлоб ҳашари тозагӣ гузаронида шуд
Роҳи байнишаҳрии Ҳисор-Айнӣ-Душанбе таъмир карда мешавад
СММ: 800 ҳазор нафар дар Ал-Фашир зери хатари ниҳоят шадид қарор доранд
Ҷаласаи навбатии гурӯҳи коршиносони давлатҳои аъзои СҲШ оид ба амнияти байналмилалии иттилоотӣ доир гардид
Сокинони беш аз 15 ҳазор манзил дар шимоли Уганда аз обхезиҳо зарар диданд
Бар асари борони сел дар Чин 11 нафар бедарак шудаанд
Хадамоти алоқаи Тоҷикистон: «Ширкатҳои мобилӣ бояд суръати интернетро баланд бардоранд, на нархи интернет ва алоқаи мобилиро»
Имрӯз дар ноҳияҳои алоҳидаи Тоҷикистон борони кӯтоҳмуддат борида, раъду барқ ба амал меояд