Дастаи «Алқувва Алҷаввия» Ҷоми КФО-ро ба Ироқ бурд

Ноябрь 10, 2016 15:37

Душанбе, 10.11.2016 /АМИТ «Ховар»/. Дар вохӯрии ниҳоии Ҷоми Конфедератсияи футболи Осиё, ки дастаҳои «Истиқлол»-и Душанбе ва «Хуҷанд»-и Хуҷанд соли равон дар он иштирок доштанд, КФ «Алқувва Алҷаввия» (Air Force Sports Club)-и Ироқ дар бозии ниҳоӣ бар КФ «Бангалуру»-и Ҳиндустон бо натиҷаи 1:0 ғолиб омада, соҳиби Ҷом гардид. Ин вохӯрӣ дар варзишгоҳи шаҳри Давҳаи Қатар багузор шуд.
Дастаи «Алқувва Алҷаввия»-и Ироқ дуюмин дастаи Ироқ аст, ки дар бозии ниҳоии ҷоми Конфедератсияи футболи Осиё ширкат варзида, ба гирифтани ин Ҷом сазовор шудааст. Аз ин пеш дастаи «Арбил» ду маротиба- солҳои 2012 ва 2014 дар бозии ниҳоии ин Ҷом ширкат кардааст. Дар вохӯрӣ бо дастаи «Бангалуру»-и Ҳиндустон футболбозони ироқӣ беҳтар ҳунарнамоӣ карданд ва ин имкон дод, ки бо як голи задаи Аҳмад Ҳамодӣ дар дақиқаи 70-ум «Алқувва Алҷаввия» ба ғалаба қодир шавад.
Дастаи «Алқувва Алҷаввия» аз гурӯҳ бо касби 15 имтиёз зинаи аввалро ишғол карда, дар бозиҳои минбаъда бар дастаҳои «Алваҳдот»-и Урдун бо ҳисоби 2:1, «Алҷайш»-и Сурия бо натиҷаи 5:1 дар ду бозӣ ва дар бозии нимниҳоӣ бар «Алаҳад»-и Лубнон аз ҷамъи ду вохӯрӣ бо ҳисоби 4 бар 3 ба бозии ниҳоӣ роҳ ёфтааст.
Президенти Конфедератсияи футболи Осиё Салмон бин Иброҳим Алхалифа Ҷомро ба дастаи Алқувва Алҷаввия тақдим кард.

Ноябрь 10, 2016 15:37

Хабарҳои дигари ин бахш

Ба сокинони Норак моҳияти Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Дар Тоҷикистон якбора номусоид шудани вазъи ҳаво дар назар аст
Имрӯз Кумитаи меъморӣ ва сохтмон, Кумитаи телевизион ва радио, Академияи миллии илмҳо, Маркази тадқиқоти стратегӣ ва МД «Телевизиони «Сафина» нишасти матбуотӣ баргузор менамоянд
Пагоҳ Кумитаи меъморӣ ва сохтмон, Кумитаи телевизион ва радио, Академияи миллии илмҳо, Маркази тадқиқоти стратегӣ ва МД «Телевизиони «Сафина» нишасти матбуотӣ баргузор менамоянд
Имрӯз Кумитаи ҳолатҳои фавқулода ва мудофиаи гражданӣ, Суди Олии иқтисодӣ, Агентии суғуртаи иҷтимоӣ ва нафақа, Хадамоти зиддиинҳисорӣ нишасти матбуотӣ баргузор менамоянд
Имрӯз дар Тоҷикистон ҳавои тағйирёбандаи бебориш дар назар аст
Имрӯз «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
Имрӯз дар Тоҷикистон борон ба амал меояд
Кумитаи ҳифзи муҳити зист доир ба омӯзиши муҳтавои Паёми Президенти Ҷумҳурии Тоҷикистон ҳамоиш баргузор намуд
Дар Норак даври шаҳрии озмуни вилоятии «Суруди Алла» баргузор шуд
Пагоҳ «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
Имрӯз дар Тоҷикистон ҳавои тағйирёбандаи бебориш пешгӯӣ мешавад