Ҷоми ҷаҳон -2018. Неймар — Месси 3:0

Душанбе, 11.11.2016 /АМИТ «Ховар»/. Дар доираи бозиҳои интихобии Ҷоми ҷаҳон -2018 дирӯз дастаи мунтахаби Бразилия бар мунтахаби Аргентина дар варзишгоҳи «Минейра» -и Белу Оризонти бо натиҷаи 3:0 ғалаба кард. Муборизаи ду дастаи беҳтарини Амрикои ҷанубӣ бо хатоҳои пайдарпайи Месси ва КО ҷараён гирифт ва Неймар бо Коутиниё ва Паулиниё се маротиба дарвозабони финалисти Ҷоми ҷаҳони соли 2014- Ромероро маҷбур карданд, ки тӯбҳоро аз дарвозааш гирад.
Ба ҳамин тартиб, баъди баргаштани Леонел Месси дастаи мунтахаби Аргентина бозиашро дигар карда натавонист ва гумон аст, ки аз гурӯҳ роҳхатро ба бозиҳои ниҳоии Ҷоми ҷаҳон-2018, ки дар Русия мегузаранд, ба даст орад.
Бразилия Аргентина 3:0 (2:0) Муаллифи голҳо:
Коутинйо, 24 (1:0). Неймар, 45+1 (2:0). Паулинйо, 59 (3:0).
Ҳайати дастаҳо::

Бразилия: Алисон, Дани Алвес, Миранда (Тяго Силва, 87), Маркинос, Марсело, Фернандиниё, Паулиниё, Ренато Аугусто, Коутиниё (Дуглас Коста, 84), Неймар, Габриэл Жезус (Фирмино, 80).

Аргентина: Ромеро, Сабалета, Отаменди, Фунес Мори, Мас, Маскерано, Перес (Агуэро, 46), Биля, Ди Мария (Корреа, 71), Месси, Игуаин.

Огоҳӣ гирифтанд: Фернандинйо, 5; Марсело, 48 — Мори, 55; Отаменди, 61; Биля, 84.