Тақдими медали ҷашнии «90-солагии адлияи Тоҷикистон» ба Вазири корҳои дохилии Қазоқистон

Душанбе, 11.11.2016 /АМИТ «Ховар»/. Дар шаҳри Остона вохӯрии Сафири Фавқулода ва Мухтори Ҷумҳурии Тоҷикистон дар Қазоқистон Назирмад Ализода бо Вазири корҳои дохилии Ҷумҳурии Қазоқистон Калмуханбет Касимов баргузор гардид.
Тавре аз Вазорати корҳои хориҷии Ҷумҳурии Тоҷикистон хабар доданд, дар мулоқот ҷонибҳо доираи васеи масъалаҳои рушд ва густариши ҳамкории дуҷониба ва бисёрҷониба, раванди татбиқи лоиҳаҳо ва барномаҳои муштарак, таҳкими пояи шартномавию ҳуқуқии муносибатҳои Тоҷикистону Қазоқистон, масъалаҳои мубрами рӯз, аз ҷумла, мубориза бар зидди терроризм ва экстремизм, инчунин мушкилоти шаҳрвандони Ҷумҳурии Тоҷикистон ва муҳоҷирони меҳнатии тоҷикро мавриди баррасӣ қарор доданд.
Дар фарҷоми вохӯрӣ ба К. Касимов медали ҷашнии «90-солагии адлияи Тоҷикистон» ва мактуби арзи сипоси Вазири адлияи Ҷумҳурии Тоҷикистон Рустами Шоҳмурод супорида шуд.