Дар ВКД ҶТ солгарди таъсиси Академияи онро таҷлил карданд

Декабрь 27, 2016 10:07

ДУШАНБЕ, 27.12.2016. /АМИТ «Ховар»/. Дирӯз дар Вазорати корҳои дохилии Ҷумҳурии Тоҷикистон ба муносибати солгарди муассисаи олии таълимии тахассусӣ- Академияи ВКД ҷамъомади бошукӯҳ доир гардид. Тавре аз ВКД ҶТ хабар доданд, дар ҷамъомад Вазири корҳои дохилӣ Рамазон Раҳимзода иброз дошт, ки «таҷлили солгарди Академияи ВКД рӯйдоди хеле хотирмон мебошад. Новобаста ба он, ки чоряк аср таърихи начандон тӯлонист, ҳайати профессорону омӯзгорон ва кормандони ин даргоҳи донишандӯзӣ дар ин муддати кӯтоҳ тавонистанд роҳи хеле дарози маърифатомӯзиро тай намоянд».
Рамазон Раҳимзода ҳамчунин аз бандҳои алоҳидаи Паёми Президенти кишвар ба Маҷлиси Олии Ҷумҳурии Тоҷикистон, ки чанд рӯз қабл  пешниҳод гардид, ёдовар шуда, онро «дастурамал барои ҳар як шаҳрванди ҷумҳурии соҳибистиқлол, аз ҷумла барои ҳар як нафар хизматчии мақомоти корҳои дохилӣ арзёбӣ намуд».
Дар ҷамъомади мазкур Вазири фарҳанги ҶТ Шамсиддин Орумбекзода, Раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Аҳтам Абдуллозода, ректори Донишгоҳи миллии Тоҷикистон Маҳмадюсуф Имомзода, муовини аввали вазири маориф ва илми кишвар Раҳматулло Мирбобоев ва дигарон сухан гуфтанд.
Дар ҷамъомад Вазири корҳои дохилӣ чанде аз кормандону омӯзгорони Академияи ВКД ва меҳмононро бо Ифтихорномаву медалҳои Вазорати корҳои дохилӣ сарфароз гардонид.

Декабрь 27, 2016 10:07

Хабарҳои дигари ин бахш

Масъулини Сафорати Тоҷикистон дар Русия бо фаъолони ҷамъиятӣ ва донишҷӯёни тоҷики муассисаҳои таҳсилоти олии шаҳри Қазон мулоқот намуданд
Федератсияи футболи Тоҷикистон дараҷаи тиллоии Хартияи футболи оммавии Конфедератсияи футболи Осиёро ба даст овард
Имрӯз дар шаҳри Душанбе ҳаво 18 дараҷа гарм мешавад
Имрӯз дар баъзе ноҳияҳои Тоҷикистон чангу ғубор ба амал меояд
«МегаФон Life»: Навсозиҳо ҳаётро сабуктар менамоянд
Ширкати саҳомии «Инновейтив Роуд Солюшнз ЛТД» дар Тоҷикистон IRS 17 400 тонна маводи зиддилағзиш захира намудааст
Доир ба нақши маориф дар тарбияи насли ваҳдатсоз вохӯрӣ доир гардид
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Имрӯз дар Тоҷикистон ҳавои камабри бебориш пешгӯӣ мешавад
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид