Довар аввалин маротиба дар таърихи футбол бо кумаки видеодовар зарбаи пеналтӣ таъйин кард

ДУШАНБЕ, 15.12.2016 /АМИТ «Ховар»/. Довар аввалин маротиба бо кумаки видеодовар дар бозии нимниҳоии Ҷоми ҷаҳон байни клубҳо, ки дар Япония идома дорад, зарбаи 11- метраи пеналтӣ таъйин кард. Дар ин бора сомонаи www.sports.ru хабар медиҳад.
«Виктор Кашшай, яке аз доварони маъруфи ҷаҳон, ки сардовари бозии нимниҳоӣ байни дастаҳои «Атлетико Насйонал»-и Колумбия ва «Касима Антлерс»-и Япония буд, барои муайян кардани хато дар майдони назди дарвозаи «Атлетико Насйонал» ба такрори видеонавор рӯй овард ва баъди тамошои ин ҳолат ба дарвозаи колумбиягиҳо зарбаи ҷаримавии 11-метра таъйин кард»,-хабар медиҳад манбаъ.
Соҳибони майдон баъди зарбаи пеналтӣ ба сафи пеш баромаданд ва дар натиҷа бо ҳисоби 3:0 ғалаба карданд.
Ёдрас мешавем, ки ФИФА ва Шӯрои байналмилалии ассотсиатсияҳои футбол ((IFAB) моҳи марти соли 2016 истифодаи видеодоварро иҷозат доданд ва он давоми ду сол таҷриба мешавад. Дар ниҳоят дар мусобиқоти бузурги байналмилалӣ он роҳи истифодаи худро пайдо мекунад.
Аввалин маротиба ФИФА истифодаи видеодоварро ҳанӯз соли 2014 эълон карда буд.