«Идоракунии захираҳои обӣ барои рушди устувори инсонӣ»-конфронс дар ДМИТ

Декабрь 31, 2016 11:04

ДУШАНБЕ, 31.12.2016. /АМИТ «Ховар»/. «Даҳсолаи байналмилалии амал «Об барои рушди устувор», солҳои 2018-2028»- таҳти чунин унвон 30 декабр дар Донишкадаи молия ва иқтисоди Тоҷикистон (ДМИТ) конфронси илмию назариявӣ баргузор шуд.
Тавре аз донишкадаи мазкур хабар доданд, ректори донишкада Ашурбой Солеҳзода аҳли толорро бо қабули пешниҳоди навбатии Ҷумҳурии Тоҷикистон аз тарафи Маҷмаи Созмони Милали Муттаҳид дар бораи Даҳсолаи нави байналмилалии «Об барои рушди устувор» табрик намуда, гуфт, ки ин чорумин ташаббуси Ҷумҳурии Тоҷикистон дар робита ба ин иқдом аст.
«Феълан кишвари мо дар арсаи байналмилалӣ ба сифати ташаббускори ҳалли масъалаҳои глобалӣ вобаста ба истифодаи самараноки захираҳои обӣ эътироф гардидааст, ки барои болоравии мақоми Тоҷикистон саҳми беандоза калон дорад. Хатарҳои глобалии имрӯза, аз ҷумла буҳрони молиявию иқтисодӣ, тағйирёбии иқлим, норасоии оби ошомиданӣ ва дигар масъалаҳо барои амалӣ шудани ҳадафҳои рушди ҳазорсола монеа эҷод мекунанд. Бинобар ин масъалаи дастрасии аҳолӣ ба оби нӯшокӣ ва истифодаи самараноки захираҳои обӣ яке аз ҳадафҳои муҳими Рушди ҳазорсола маҳсуб мешавад. Сарфакоронаю самаранок истифода бурдани захираҳои обии кишвар яке аз масъалаҳои мубрами иқтисодиёт ба ҳисоб меравад. Зеро 70%-и захираҳои гидроэнергетикии Осиёи Марказӣ ба Ҷумҳурии Тоҷикистон рост меояд, ки имрӯз танҳо 4 фоизи он истифода мешаваду халос. Бинобар ин об барои рушди устувори оянда, таъмини мувозинати инкишофи соҳаҳои мухталифи хоҷагии халқ муҳим арзёбӣ мегардад»,-иброз дошт А. Солеҳзода.
Дар конфронс устодони донишкада дар мавзӯъҳои «Эъломияи 10 соли амал «Об барои рушди устувор», «Об сарчашмаи зиндагӣ», «Ҳифзи ҳуқуқи истеъмолкунандагони оби полезӣ ва нӯшокӣ», «Идоракунии захираҳои обӣ барои рушди устувори инсонӣ» ва «Захираҳои обию энергетикӣ: муаммоҳо, вазъи ҳозира ва дурнамои он» пешниҳодҳои муфид карданд.

Декабрь 31, 2016 11:04

Хабарҳои дигари ин бахш

Пагоҳ Вазорати тандурустӣ ва ҳифзи иҷтимоии аҳолӣ, Кумитаи рушди сайёҳӣ, Кумитаи кор бо ҷавонон ва варзиш, Кумитаи кор бо занон ва оила, Комиссияи Олии аттестатсионӣ нишасти матбуотӣ баргузор менамоянд
Теъдоди ҳалокшудагони заминларза дар Туркия ба беш аз 12 ҳазор нафар расид
Имрӯз дар Тоҷикистон ҳарорати ҳаво то 10 дараҷа паст мешавад
Имрӯз Кумитаи забон ва истилоҳот, Агентии назорат дар соҳаи маориф ва илм, Палатаи савдо ва саноат, МД «Тоҷикфилм» нишасти матбуотӣ баргузор менамоянд
Ба сокинони Норак моҳияти Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Дар Тоҷикистон якбора номусоид шудани вазъи ҳаво дар назар аст
Имрӯз Кумитаи меъморӣ ва сохтмон, Кумитаи телевизион ва радио, Академияи миллии илмҳо, Маркази тадқиқоти стратегӣ ва МД «Телевизиони «Сафина» нишасти матбуотӣ баргузор менамоянд
Пагоҳ Кумитаи меъморӣ ва сохтмон, Кумитаи телевизион ва радио, Академияи миллии илмҳо, Маркази тадқиқоти стратегӣ ва МД «Телевизиони «Сафина» нишасти матбуотӣ баргузор менамоянд
Имрӯз Кумитаи ҳолатҳои фавқулода ва мудофиаи гражданӣ, Суди Олии иқтисодӣ, Агентии суғуртаи иҷтимоӣ ва нафақа, Хадамоти зиддиинҳисорӣ нишасти матбуотӣ баргузор менамоянд
Имрӯз дар Тоҷикистон ҳавои тағйирёбандаи бебориш дар назар аст
Имрӯз «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
Имрӯз дар Тоҷикистон борон ба амал меояд

Маводҳои таҳлилӣ