Имрӯз дар Тоҷикистон ҳавои барфу боронист
ДУШАНБЕ, 08.11.2016 /АМИТ «Ховар»/. Агентии обуҳавошиносии кишвар хабар медиҳад, ки шурӯъ аз имрӯз-8 декабр то 10 декабри соли 2016 ҳавои номусоид, аз ҷумла борони гузаранда ба барфи тар, дар ноҳияҳои ҷудогона вазиши шамоли сахт- дар як сония то 17-22 метр ба амал меояд. Ҳарорати миёнаи ҳаво дар кишвар 6 °С-ро ташкил хоҳад дод.
Дар шаҳри Душанбе ҳавои абрнок шуда, борон меборад. Дар баъзе ҳолатҳо бориш шиддат мегирад. Шамол аз самти ғарб бо суръати аз 2 то 7 метр дар як сония мевазад. Ҳаво аз 12 то 14 дараҷа гарм мешавад.
Дар вилояти Бадахшон ҳавои абрнок, дар баъзе ноҳияҳо боридани борону барф дар назар аст. Шамол аз самти ғарб бо суръати аз 2 то 7 метр дар як сония мевазад. Ҳаво дар ғарби вилоят аз 1 то 6 дараҷа ва дар шарқи ин вилоят аз 1 то 6 дараҷа хунукӣ мешавад.
Дар вилояти Xатлон ҳавои абрнок ва рӯзона боридани борон пешгӯӣ мегардад. Дар баъзе ҳолатҳо бориш шиддат мегирад. Шамол аз самти ғарб бо суръати аз 2 то 7 метр дар як сония мевазад. Ҳаво дар водиҳо аз аз 9 то 14 дараҷа гарм мешавад.
Дар вилояти Суғд ҳаво абрнок шуда, борон меборад. Дар баъзе ноҳияҳо бориш шиддат мегирад. Дар баландиҳои 1500 метр боридани барф дар назар аст. Шамол аз самти ғарб бо суръати аз 3 то 8 метр дар як сония мевазад. Дар водиҳо аз 5 то 10 дараҷа гарм хоҳад шуд. Дар ноҳияҳои кӯҳӣ ҳаво аз 2 то 7 дараҷа гарм мешавад.
Дар ноҳияҳои тобеи марказ ҳаво абрнок шуда, борон меборад. Дар баландиҳои 1500 метр боридани барф пешгӯӣ гардидааст. Шамол аз самти ғарб бо суръати аз 2 то 7 метр дар як сония мевазад. Ҳаво дар водиҳо аз 10 то 15 дараҷа гарм мешавад. Дар ноҳияҳои кӯҳӣ ҳаво аз 2 то 7 дараҷа гарм хоҳад шуд.
Дар робита ба вазъи номусоиди ҳаво дирӯз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ҳушдор дод, ки бар асари шамол ва часпидани барфи тар дар симҳо эҳтимоли зарар дидани хатҳои интиқоли барқ, шикастани дарахтон, ҳамчунин зарар дидани овезаҳои рекломҳо, ки суст часпонида шудаанд, вуҷуд дорад.
Кумита ба шаҳрвандон тавсия медиҳад, ки дар ин рӯзҳо рафтуомади безарурати худро аз тариқи роҳҳои кӯҳӣ маҳдуд кунанд, аз роҳандозии корҳои саҳроӣ, омодасозии ҳезум ва шикор дар маҳалҳои кӯҳӣ як муддат худдорӣ варзанд.
«БЕҲТАРИН УСТО ВА ШОГИРД». Ғолибони фестивал-озмуни ҳунармандону косибон аз рӯйи чор номинатсия муайян гардиданд
Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
