«Мо, ҷавонон аз ташаббуси Пешвои миллат ифтихор дорем!»- ҳамоиши ҷавонон дар шаҳри Хуҷанд
ДУШАНБЕ, 27.12.2016 /АМИТ «Ховар»/. Аз ҷониби Маҷмаи умумии Созмони Милали Муттаҳид бо ташаббуси Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон Даҳсолаи байналмилалии амал «Об барои рушди устувор», солҳои 2018-2028 эълон гардид ва ин ташаббуси наҷиб аз ҷониби 193 кишвари олам дастгирӣ ёфт.
Бахшида ба ин воқеаи муҳими таърихӣ ва эълон гаштани Соли 2017 чун соли ҷавонон дирӯз дар майдони «Ситораҳои Хуҷанд» бо иштироки бештар аз 2 ҳазор нафар ҷавонону наврасони маркази вилоят таҳти унвони «Мо, ҷавонон аз ташаббуси Пешвои миллат ифтихор дорем!» ҳамоиш баргузор гардид.
Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон иттилоъ доданд.
«Паёми Пешвои миллат муҳтарам Эмомалӣ Раҳмон ба Маҷлиси Олӣ ва Соли ҷавонон эълон гаштани соли 2017, ҳамчунин пазируфта шудани ташаббус оид ба Даҳсолаи байналмилалии амал «Об барои рушди устувор», солҳои 2018-2028 аз ҷониби Созмони Миллали Муттаҳид байни ҷавонони шаҳр ҳамовозии ҳамаҷонибаро пайдо намуд»,-иброз дошт Бахтиёр Исматҷонов, мудири Бахши ҷавонон, варзиш ва сайёҳии шаҳри Хуҷанд.
Дар ҳамоиш ҷавонон баён дошанд, ки имрӯз ва минбаъд низ барои амалӣ гаштани тамоми дастуру ҳидоятҳои Пешвои миллат Эмомалӣ Раҳмон саъю кӯшиш намуда, дар рушду тараққиёти самтҳои мухталифи хоҷагии халқ саҳми арзандаи худро мегузоранд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






