Муҳокимаи муҳоҷирати бехатар ва омодагии пеш аз сафар дар вилояти Суғд

ДУШАНБЕ, 23.11.2016 /АМИТ «Ховар»/. Дар шаҳри Хуҷанд дар мавзӯи муҳоҷирати бехатар ва омодагии пеш аз сафар машварат доир гардид. Дар ин бора аз раёсати Хадамоти муҳоҷирати вилояти Суғд хабар доданд.
«Дар машварат, ки бо ташаббуси шуъбаи Хадамоти муҳоҷират ва филиали муассисаи давлатии Агентии бокортаъминкунии вилоят доир шуд, ба иштирокчиён оид ба тағйиру иловаҳо ба қонунгузории Федератсияи Россия вобаста ба муҳоҷират маълумот доданд.
Дар машварат инчунин оид ба тарзи дарёфти кор мувофиқи ихтисос, бастани шартномаи меҳнатӣ, тарзи гирифтани корти иҷозат ба кор, патент ва корти суғуртаи тиббӣ муҳокима сурат гирифт»,- иттилоъ дод манбаъ.