Сокинони ноҳияи Тоҷикобод аз самтҳои асосии сиёсати дохилию хориҷии ҷумҳурӣ тавассути Паёми Пешвои миллат огоҳ шуданд

ТОҶИКОБОД, 23.12.2016. /АМИТ «Ховар»/. 22 декабр сокинони ноҳияи Тоҷикобод пас аз тамошои Паёми Президенти мамлакат ба Маҷлиси Олии Ҷумҳурии Тоҷикистон аз самтҳои асосии сиёсати дохилӣ ва хориҷии ҷумҳурӣ огоҳ шуданд. Дар ин бора ба хабарнигори АМИТ «Ховар» раиси дастгоҳи ноҳия Тоҳир Устоев иттилоъ дод.
«Пешвои миллат муҳтарам Эмомалӣ Раҳмон дар Паёми навбатии худ самтҳои асосии сиёсати дохилию хориҷии мамлакатро барои солҳои оянда муайян намуда, оид ба пешрафти соҳаҳои иқтисоду саноат, энергетика, ҳифзу ҳуқуқу тартибот, тандурустӣ, фарҳанг, илму маориф ва ҷавонон, варзиш ва сайёҳӣ вазифаҳои мушаххас ба миён гузоштанд. Ин вазифагузориҳо ба пешрафти иқтисодию иҷтимоию сиёсии кишвари азизамон таъсири мусбат мерасонанд»,-иброз дошт зимни суҳбат Тоҳир Устоев.