Суғд: кумак ба ятимону бепарасторон дар арафаи Иди Соли нав
ДУШАНБЕ, 29.12.2016. /АМИТ Ховар/. Дар арафаи Иди Соли нави мелодӣ Абдураҳмон Қодирӣ, Раиси вилояти Суғд бошандагони мактаб-интернати Мақомоти иҷроияи ҳокимияти давлатии вилоятро аёдат намуд. Дар ин бора ба АМИТ «Ховар» аз Хадамоти матбуоти Раиси вилояти Суғд иттилоъ доданд.
Раиси вилоят дар суҳбат бо кӯдакону наврасон ва кормандони ин муассисаи иҷтимоӣ зикр кард, ки ятимону бепарасторон таҳти таваҷҷуҳи Ҳукумати Ҷумҳурии Тоҷикистон, хоса Асосгузори сулҳу Ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, дар Паёми навбатии худ ба Маҷлиси Олии мамлакат Пешвои миллат аёдати шахсони яккаву танҳо, табақаи ниёзманди ҷомеа, ғамхорӣ нисбат ба ятимону бепарасторонро аз фазилатҳои неки инсонӣ унвон карданд ва масъулини мақомоти маҳаллӣ, корхонаву ташкилот ва шахсони дороро баҳри анҷоми кори хайру савоб ҳидоят намуданд.
Абдураҳмон Қодирӣ ҳамчунин таъкид кард, ки баҳри бартараф намудани камбудиҳои ҷойдоштаи муассиса роҳбарияти вилоят тадбирҳои судманд меандешанд. Аз ҷумла, баҳри таъмини бинои мактаб-интернат бо низоми ягонаи гармидиҳӣ маблағҳои зарурӣ ҷудо намуда, таъмири хобгоҳ, харидории 100 адад мизу курсӣ ва либосҳои варзиширо ба нақша гирифтааст. Инчунин соли оянда барои тарбиятгирандагон майдони варзишӣ ва ҳавзи шиноварӣ сохта мешавад.
Раиси вилоят ба 106 нафар хонандагони мактаб-интернат туҳфаҳои идона, аз қабили маҷмӯи либосҳои зимистона, чор адад компютер, тӯбҳои варзишӣ, 19 намуди асбобҳои мусиқӣ, ду адад дастгоҳи адрасу атласбофӣ ва ғайра тақдим намуд.
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
