28 январ-Рӯзи умумиҷаҳонии бекорон: Порсол дар Тоҷикистон беш аз 100 ҳазор ҷойҳои нави корӣ таъсис дода шуданд
ДУШАНБЕ, 28.01.2017 /АМИТ «Ховар»/. Рӯзи умумиҷаҳонии бекорон ҳамасола 28 январ ҷашн гирифта мешавад. Мақсад аз таҷлили ин рӯз ҷалби таваҷҷӯҳи аҳли ҷомеа ба мушкилоти шуғли аҳолӣ мебошад.
Тавре ки аз Вазорати меҳнат, муҳоҷират ва шуғли аҳолии Ҷумҳурии Тоҷикистон ба АМИТ «Ховар» хабар доданд, соли 2016 ба мақомоти меҳнат ва шуғли аҳолӣ беш аз 119 ҳазор нафар муроҷиат намудаанд, ки 77 ҳазору 349 нафари онҳо ҳамчун корҷўй ба қайд гирифта шуда, ба 51 299 нафар расман мақоми бекор дода шудааст.
Бино ба иттилои вазорат, дар доираи «Барномаи давлатии мусоидат ба шуғли аҳолӣ» барои таъсиси ҳарчи бештари ҷойҳои кории нав ва бокортаъминсозии шаҳрвандон тадбирҳои мушаххас андешида шудаанд Аз ҷумла, тавассути мақомоти шуғли аҳолӣ дар маҷмўъ 39 067 нафар бо ҷойҳои корӣ таъмин гардиданд, ки 112,4 фоизи нақшаи солонаро ташкил медиҳад. Ба воситаи ҷойҳои кории бандшуда (квотаҳо) 2 876 нафар ва тавассути ташкили корҳои фардӣ 3 946 нафар соҳиби ҷои кор шуданд. Дар давраи ҳисоботӣ ба 11 106 нафар бинобар аз даст додани ҷойи кор ба муддати то 3 моҳ кумакпулӣ барои бекорӣ пардохт гардид.
Бо мақсади мусоидат барои дарёфти ҷои кори муносиб ба шаҳрвандон аз ҷониби мақомоти меҳнат ва шуғли аҳолӣ дар ин давра 702 ярмаркаи ҷойҳои кори холӣ ва вазифаҳои озод гузаронида шуд. 5 606 нафар корҷўй дар ин ярмаркаҳо соҳиби ҷои гардиданд. Ба 6 144 нафар роҳхат барои касбомўзӣ дода шуда, 1778 нафар ба иҷрои корҳои ҷамъиятии музднок сафарбар гардиданд.
Дар асоси 246 шартномаи тарафайн бо корхонаву ташкилотҳо 6 818 нафар ба корҳои ҷамъиятӣ ва 18 540 нафар аз ҳисоби маблағҳои буҷети барнома дар марказҳои таълими касбии мақомоти меҳнат ва шуғли аҳолӣ ба омўзиши касбӣ фаро гирифта шуданд.
Дар маҷмўъ, дар соли 2016 аз ҷониби мақомоти меҳнат ва шуғли аҳолӣ ба 193 639 нафар хизматрасонии иҷтимоӣ расонида шуд.
Мувофиқи маълумоти расмии Агентии омори назди Президенти Ҷумҳурии Тоҷикистон, дар нуҳ моҳи соли 2016 аз тарафи шахсони ҳуқуқӣ ва воқеӣ дар маҷмўъ 114 368 ҷойи нави корӣ, иловагӣ ва барқароршудаи корӣ таъсис дода шудаанд.
Иштирокдорони ҳамоиш дар Душанбе ҷойгоҳи Айнӣ дар ташаккули мафкураи миллиро баррасӣ намуданд
РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Бахшида ба он дар Донишгоҳи технологии Тоҷикистон конференсияи ҷумҳуриявии илмӣ-амалӣ баргузор шуд
Дар Душанбе дар мавзуи «Маърифати ҳуқуқӣ-омили муҳими таҳкими давлатдории миллӣ» конфронси байналмилалӣ доир шуд
Мафкураи солим ва дониши мукаммал омили муҳими рушди устувор ва амнияти ҷомеа мебошад
27-28 апрел дар Тоҷикистон ҳавои боронӣ пешгӯӣ мешавад
Бар асари обхезӣ дар Танзания 155 нафар ба ҳалокат расид
Дар Донишкадаи исломии Тоҷикистон вобаста ба мубориза бар зидди ифротгароӣ ва хурофотпарастӣ конференсияи ҷумҳуриявӣ доир шуд
Дар Кӯлоб ҷаласаи Шурои ҳамоҳангсози мақомоти ҳифзи ҳуқуқ баргузор шуд
Дар фестивали Олмон зиёда аз 720 ҳолати сироятёбӣ ошкор гардид
Гурӯҳи кории Вилояти Мухтори Кӯҳистони Бадахшон дар Бартанг бо вазъи соҳаҳои гуногуни хоҷагии халқ шинос шуд
Фазои Либия ва Юнони ҷанубӣ бар асари ғубори биёбони Сахара ранги норанҷӣ гирифтааст
Мақомоти Чин барои минтақаҳое, ки аз селу обхезӣ зарар дидаанд, беш аз 15 миллион доллар ҷудо намуданд
