Коҳиши гардиши савдои берунӣ сабаби иҷро нагардидани нақшаи пардохтҳои гумрукӣ гардид
ДУШАНБЕ, 27.01.2017. /АМИТ Ховар/. Дар соли 2016 аз ҳисоби пардохтҳои гумрукӣ ба буҷет 3,8 миллиард сомонӣ ворид гардид, ки ин 90,1 фоизи нақшаро ташкил дода, нисбат ба нақша 421, 0 миллион сомонӣ кам мебошад. Сабаби асосии камшавӣ коҳишёбии гардиши савдои берунӣ мебошад. Ин нуктаро Ҷамшед Каримзода, муовини якуми Вазири молияи Ҷумҳурии Тоҷикистон имрӯз зимни нишасти матбуотӣ ба хабарнигорон баён кард.
Ҷамшед Каримзода дар тақвияти ин мавзӯъ ҳамчунин иттилоъ дод, ки соли 2016 ҳаҷми гардиши савдои хориҷӣ 3929,6 миллион доллари ИМА-ро ташкил дод. Аз ҷумла, содирот 898, 7 миллион доллари ИМА ва воридот 3030,9 миллион доллари ИМА-ро ташкил дода, ҳаҷми содирот нисбат ба соли 2015 ба андозаи 0,9 банди фоиз зиёд ва ҳаҷми воридот 11,8 фоиз кам гардидааст.
Дар нишаст ҳамчунин зикр гардид, ки маблағи умумии қарзи берунии Ҷумҳурии Тоҷикистон дар соли 2016 2,3 миллиард доллари ИМА -ро ташкил дода, ба 32, 7 фоизи Маҷмӯи Маҳсулоти Дохилӣ баробар гардидааст.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
