Мақоми фарҳанги мусиқӣ дар тарбияи маърифатии насли наврас

ДУШАНБЕ, 6.01.2017 /АМИТ Ховар/. Имрӯз дар Муассисаи давлатии Осорхонаи маданияти мусиқии ба номи Зиёдулло Шаҳидӣ дар мавзӯи «Мақоми фарҳанги мусиқӣ дар тарбияи маърифатии насли наврас» вохӯрӣ бо хонандагони мактаби таълимоти миёнаи умумии №11 баргузор гардид.
Дар вохӯрӣ директори Осорхона Юсуф Шоев оид ба мавзӯъҳои «Аҳамияти омӯзиши мероси мусиқии миллӣ», «Мақоми муассисаҳои фарҳангӣ ва таълимӣ дар ташаккул ва тарбияи фарҳангии насли наврас», «Ҷавонон ва мавқеи онҳо дар тадриси маърифати ҷомеа», ки аз Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон бармеоянд, сухан карда, таваҷҷуҳи насли наврасро ба мероси гаронбаҳои мусиқии миллӣ ҷалб намуд.