Қӯрғонтеппа: 13 ташкилоту корхонаҳои шаҳр ҷойи кор пешниҳод карданд

ДУШАНБЕ, 24.01.2017. /АМИТ «Ховар»/. Аз ҷониби шуъбаи Агентии меҳнат ва шуғли аҳолӣ дар «Боғи фарҳангиву истироҳатӣ ба номи Р. Мурчаев»-и шаҳри Қӯрғонтеппа ярмаркаи ҷойҳои корӣ ва вазифаҳои озод доир гардид.
Тавре аз Мақмоти иҷроияи ҳокимияти давлатии вилояти Хатлон хабар доданд, дар ярмарка 84 ҷойи корӣ аз 13 ташкилоту корхонаҳои шаҳр, аз ҷумла, шуъбаи маорифи шаҳри Қӯрғонтеппа, Коллеҷи тиббии шаҳри Қӯрғонтеппа, ҶСК Ресанда, Меҳровар, бахши фарҳанг, МНДСЭ-и шаҳри Қӯрғонтеппа, Бойгонии вилоят, Литсеи касбӣ-техникии шаҳри Қӯрғонтеппа, КДФ «ИТИМ», Китобхонаи шаҳр, ҶДММ Коргоҳи дӯзандагии шаҳри Қӯрғонтеппа, бахши муҳоҷират, Маркази ёрии таъҷилӣ, ҶСК «Трансформатор», Телекоми вилоятӣ, КАТС-и шаҳри Қӯрғонтеппа, Коллеҷи омӯзгории шаҳри Қӯрғонтеппа, маркази машварати бо кортаъминкунии муҳоҷирони меҳнатӣ иштирок намуда, ҷойҳои корӣ пешниҳод намуданд.
Чунин ярмаркаҳо барои таъмини аҳолӣ бо ҷойи кори доимӣ, таъсиси курсҳои тайёрӣ ва касбомӯзии аҳолӣ, рушди бемайлони сатҳи шуғлнокии аҳолӣ, интихоби мутахассис барои корхона, ташкилоту муассисаҳо, дарёфт намудани корманди мувофиқ ва ба шаҳрвандони бекор дарёфти кори мувофиқ равона гардиданд.