Ҷумъахон Ғиёсов: Аз тарафи комиссияҳои доимии танзими анъана ва ҷашну маросимҳои миллӣ 22893 санҷиш гузаронида шуд

ДУШАНБЕ, 10.01.2017/АМИТ «Ховар»/. Дар давоми соли 2016 аз тарафи комиссияҳои доимии танзими анъана ва ҷашну маросимҳои миллӣ дар раванди баргузории маъракаҳо дар маҷмўъ 22893 санҷиш гузаронида шуд. Ин нуктаро Ҷумахон Ғиёсов, муовини якуми Раиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон зимни нишасти матбуотӣ дар Маркази матбуоти АМИТ «Ховар» баён дошт.
«Комиссияҳои доимии мақомоти иҷроияи ҳокимияти давлатӣ ва бахшҳои оид ба корҳои дин, танзими анъана ва ҷашну маросимҳои миллии вилоятҳо ва шаҳру ноҳияҳо дар соли сипаригардида бо мақсади таблиғу ташвиқ, фаҳмондадиҳии моҳияти Қонуни мазкур ва риояи талаботи он дар соли равон 12886 (аз ҷумла, дар шаҳри Душанбе 398, вилояти Суғд 1983, вилояти Хатлон 3212, ВМКБ 1491 ва шаҳру ноҳияҳои тобеи ҷумҳурӣ 5802) суҳбату вохўриҳо доир намуданд»,-гуфт мавсуф.