Агентии хизмати давлатӣ, «Тоҷиксуғурта» ва Маркази миллии тестӣ хабарнигоронро ба нишасти матбуотӣ даъват менамоянд

ДУШАНБЕ, 03.02.2017. /АМИТ Ховар/. Рӯзи душанбе, 6 феврали соли 2017 Агентии хизмати давлатии назди Президенти Ҷумҳурии Тоҷикистон, Корхонаи воҳиди давлатии «Тоҷиксуғурта» ва Маркази миллии тестии назди Президенти Ҷумҳурии Тоҷикистон нишасти матбуотӣ баргузор менамоянд.
Роҳбарони сохторҳои мазкур омодаанд, ки ба суолҳои хабарнигорони ВАО оид ба дастоварду камбудиҳои фаъолияташон дар соли 2016 посух бигӯянд.
Хотиррасон менамоем, ки нишасти матбуотии Агентии хизмати давлатии назди Президенти Ҷумҳурии Тоҷикистон соати 09-00 дар толори Маркази матбуоти ҷумҳуриявии АМИТ «Ховар», Корхонаи воҳиди давлатии «Тоҷиксуғурта» соати 10-00 дар бинои корхонаи мазкур ва Маркази миллии тестии назди Президенти Ҷумҳурии Тоҷикистон соати 11-00 дар толори Маркази матбуоти ҷумҳуриявии АМИТ «Ховар» баргузор мегарданд.
Барои гузаронидани нишастҳои матбуотӣ вазорату идораҳо метавонанд бо маркази матбуоти ҷумҳуриявии АМИТ «Ховар» бо рақами телефони 918-21-52-04 тамос гиранд.