Баррасии Созишномаи Париж дар Парлумони Тоҷикистон
ДУШАНБЕ, 07.02.2017/АМИТ «Ховар»/. «Созишномаи Париж ба Конвенсияи қолабии Созмони Милали Муттаҳид оид ба тағиирёбии иқлим» имрӯз дар Душанбе дар муҳокимаи парлумонӣ таҳти раёсати Акрамшо Фелалиев, муовини Раиси Маҷлиси намояндагони Маҷлиси Олии ҷумҳурӣ матраҳ шуд.
Роҷеъ ба ин масъала вакили Маҷлиси намояндагон Олимҷон Сафарзода ибрози назар намуда, гуфт, ки Созишномаи Париж ба Конвенсияи қолабии СММ дар бораи тағирёбии иқлим, ки 12 декабри соли 2015 дар Париж ба имзо расидааст, аз ҷониби Президенти Ҷумҳурии Тоҷикистон Эмомалӣ Раҳмон барои тасдиқ ба Маҷлиси намояндагон пешниҳод шудааст.
Ҳадафи Созишномаи Париж -иштироки фаъоли ҷомеаи ҷаҳонӣ дар самти иҷрои талаботи Ковенсияи СММ оид ба тағйирёбии иқлим, хусусан нигоҳ доштани афзоиши ҳарорати миёнаи глобалӣ камтар аз 2 дараҷа ва маҳдуд намудани афзоиши ҳарорат то 1,5 дараҷа мебошад.
Таъкид шуд, ки Комиссияи экологии Маҷлиси намояндагон лоиҳаи Созишномаи Париж ба Конвенсияи қолабии СММ дар бораи тағйирёбии иқлимро ба баррасии иҷлосияи Маҷлиси намояндагон пешниҳод намудааст.
Дар муҳокимаи парлумонӣ ҳамзамон роҳбарону намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон ва сохторҳои тобеи он сухан карда, пешниҳодҳои ҷолиб баён карданд.
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
