Бори нахуст дар даврони истиқлолият бонуи тоҷик Раиси Суди Олии иқтисодӣ интихоб гардид
ДУШАНБЕ, 16.02.2017/АМИТ «Ховар»/. Бори нахуст дар 25 соли Истиқлолияти давлатии Ҷумҳурии Тоҷикистон бонуи тоҷик ба ҳайси раиси Суди Олии иқтисодии Ҷумҳурии Тоҷикистон интихоб гардид. Дар ин росто 16 феврал аъзои Маҷлиси миллии Маҷлиси Олии Ҷумҳурии Тоҷикистон пешниҳоди Президенти Ҷумҳурии Тоҷикистонро дар бораи раиси Суди Олии иқтисодии Ҷумҳурии Тоҷикистон ба интихоб намудани Мавлуда Қаландарзода ризоият доданд.
Мавлуда Қаландарзода то интихоб гардидан ба вазифаи Раиси Суди Олии иқтисодии Ҷумҳурии Тоҷикистон ба ҳайси вакили Маҷлиси намояндагон фаъолият мекард. Мавсуф 52 сол дошта, соли 1965 дар ноҳияи Бобоҷон Ғафуров таваллуд шудааст. Мавлуда Қаландарзода дастпарвари факултаи ҳуқуқшиносии Донишгоҳи миллии Тоҷикистон мебошад. Аз моҳи октябри соли 1986 дар суди шаҳри Хуҷанд ба ҳайси котиби маҷлиси судӣ фаъолияти кориашро оғоз намуда, соли 1989 сардори шуъбаи умумии суди мазкур, аз соли 1993 дар Раёсати адлияи вилояти Суғд ба тариқи гузариш ба вазифаи мушовири калон, аз соли 1994 муовини сардори Раёсати адлияи вилояти Суғд фаъолият намудааст. Аз соли 1998 дар вазифаи судяи суди ноҳияи Ҷаббор Расулов, аз соли 2000 судяи суди шаҳри Хуҷанд, аз соли 2004 судяи суди вилояти Суғд ва аз 8 декабри соли 2010 дар вазифаи муовини раис, Котиби Шӯрои адлияи Ҷумҳурии Тоҷикистон фаъолият кардааст.
1 марти соли 2015 дар ҳавзаи якмандатаи интихоботии Бобоҷон Ғафуров вакили Маҷлиси намояндагони Маҷлиси Олии Ҷумҳурии Тоҷикистон интихоб шуд. Бо Фармони Президенти Ҷумҳурии Тоҷикистон бо ордени Шараф дараҷаи II сарфароз гардидааст.
Оиладор, соҳиби ду фарзанд мебошад.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
