Дар Хуҷанд намоиш- фурӯши ниҳолҳо доир гардид
ХУҶАНД, 27.02.2016. /АМИТ «Ховар»/. 25 феврал дар назди Театри ба номи Камоли Хуҷандии шаҳри Хуҷанд ярмарка-фурӯши ниҳол ва дигар зироати кишоварзӣ баргузор гашт. Намоиш бо ташаббуси мақомоти иҷроияи ҳокимияти давлатии вилоят бахшида ба фасли баҳор ва оғози мавсими кишту кор, ҳамзамон такон бахшидан ба маъракаи сабзазоркунию ободонӣ ва расонидани ёрии амалӣ ба хоҷагиҳои кишоварзӣ, аҳолӣ ва соҳибкорони вилояти Суғд баҳри бунёди боғу токзори нав доир гашт.
Раиси вилояти Суғд Абдураҳмон Қодирӣ зимни иштирок бо ҷараёни баргузории ярмарка-фурӯш шинос гардида, аз растаҳои гуногуни ниҳолу гулҳо дидан намуд.
Ба иттилои хабарнигори минтақавии АМИТ «Ховар» дар намоиш хоҷагидорону кишоварзони 12 шаҳру навоҳии вилоят, ки ба истеҳсоли ниҳол, кӯчату тухмии гулҳо ва дигар зироати кишоварзӣ машғуланд, ширкат намуда, зиёда аз 800 ҳазор бех ниҳоли мевадиҳанда, сояафкану ороишӣ, ток ва гулу гулбуттаҳо, инчунин наздик ба 4 000 тонна тухмиҳои сабзавоту гулҳоро пешкаши харидорон гардониданд. Ҳамзамон аз ҷониби олимону мутахассисони соҳа роҷеъ ба парвариши ниҳолҳо ва зироат нуқтаҳои маслиҳатӣ низ ташкил шуданд.
Дар намоиш меҳмонон аз 3 хоҷагии ниҳолпарвари ноҳияҳои ҳамсарҳади ҷумҳурии ҳамсояи Қирғизистон иштирок намуда, баҳри иштирокдорону харидорон беш аз 2600 бех дарахтони сояафкану ороишӣ пешкаш намуданд.
Бояд гуфт, ки тибқи нақшаи мақомоти иҷроияи ҳокимияти давлатии вилоят чунин намоиш-фурӯши ниҳолҳо дар шаҳру ноҳияҳои вилоят то 25 март идома меёбад.
МегаФон Тоҷикистон мусобиқаҳои байналмилалии парапланеристонро дар Данғара дастгирӣ намуд
Дар ноҳияи Ховалинг дар 8 гектар боғи хуч бунёд карда шуд
Тоҷикистон ва Индонезия чорабиниҳои дарпешистода дар соҳаи дипломатияи обиро баррасӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
Пагоҳ дар ноҳияи Восеъ мусобиқаи гӯштини миллӣ баргузор мегардад
Бар асари бориши зиёд ва фурӯравии замин роҳи мошингарди Восеъ-Ховалинг баста шуд
Завқӣ Завқизода аз Президенти Гурӯҳи Бонки Исломии Рушд дархост намуд, ки ба соҳаҳои афзалиятноки иқтисоди Тоҷикистон маблағгузориро афзоиш диҳад
