Душанбе ба узвияти Федератсияи ҷаҳонии шаҳрҳои туристӣ пазируфта мешавад
ДУШАНБЕ, 13.02.2017. /АМИТ «Ховар»/. 9 феврал Сафири Фавқулода ва Мухтори Ҷумҳурии Тоҷикистон дар Ҷумҳурии Мардумии Чин Парвиз Давлатзода бо Директори генералии департаменти робитаҳои байналхалқии Федератсияи ҷаҳонии шаҳрҳои туристӣ Чен Бо мулоқот баргузор намуд.
Дар рафти вохӯрӣ масъалаи рушди ҳамкориҳо дар соҳаи туризм баррасӣ шуд. Парвиз Давлатзода дар бораи имкониятҳои туристии Ҷумҳурии Тоҷикистон маълумот дода, ҳайати роҳбарият ва коршиносони Федератсияи мазкурро ба Тоҷикистон барои шурӯъ кардани ҳамкорӣ даъват намуд. Сафир таъкид кард, ки дар солҳои охир аз ҷониби роҳбарияти сатҳи олии давлату Ҳукумати Ҷумҳурии Тоҷикистон барои беҳбудӣ бахшидани соҳаи сайёҳӣ тадбирҳои шоиста анҷом дода шуда, дар ҳамин замина нишондиҳандаҳои рушди соҳа батадриҷ боло рафтаанд.
Чен Бо ин пешниҳодро хуш пазироӣ карда, изҳор намуд, ки Федератсияи ҷаҳонии шаҳрҳои туристӣ барои гузоштани саҳм ба соҳаи туризм, аз ҷумла дар самти рушди инфрасохтори соҳаи туризми Тоҷикистон омода аст. Ғайр аз ин ӯ пешниҳод кард, ки шаҳри Душанбе ба Федератсияи ҷаҳонии шаҳрҳои туристӣ шомил шавад.
Федератсияи ҷаҳонии шаҳрҳои туристӣ дар соҳаи туризми ҷаҳонӣ дорои мақоми баланда буда, дар шароити ҳозира 110 шаҳри ҷаҳон аъзои ин Федератсия мебошанд.
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
