Муроҷиат ба волидон: «Рафтани фарзандони то 20- соларо ба марказҳои дилхушӣ манъ намоед»

ДУШАНБЕ, 21.02.2017 /АМИТ «Ховар»/. Вазорати корҳои дохилии Ҷумҳурии Тоҷикистон аз шаҳрвандон хоҳиш менамояд, ки шабона рафтани фарзандони то 20-соларо ба марказҳои дилхушӣ (тарабхона, интернет- кафе ва идораҳои букмекерӣ) манъ намоянд. Зеро тибқи банди 9, қисми 1-и моддаи 8 Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» иштироки наврасон дар ин гуна ҷойҳо манъ гардидааст.
«Ҳоло санҷишҳо нишон медиҳанд, ки қисме аз ноболиғон шабона ба марказҳои дилхушӣ рафта (ҳар шабонарӯз то 100 нафар фақат дар шаҳри Душанбе) дур аз мадди назари волидайн мемонанд ва даст ба кирдорҳои номатлуб мезананд»,- мегӯяд манбаъ.
Ба иттилои Вазорати корҳои дохилии Ҷумҳурии Тоҷикистон, ҳангоми риоя накардани талаботи Қонуни мазкур волидайн ба ҷавобгарӣ кашида мешаванд.