Нақшаи амалҳои муштараки Тоҷикистону Қирғизистон ҷиҳати пешгирии ҳолатҳои низоъ дар марз таҳия мегардад
ДУШАНБЕ, 08.02.2017 /АМИТ «Ховар»/. Дар ояндаи наздик нақшаи амалҳои муштараки Ҷумҳурии Тоҷикистон ва Ҷумҳурии Қирғизистон ҷиҳати пешгирии ҳолатҳои низоъ дар марз таҳия мегардад. Ин дастур аз рӯи натиҷаҳои вохӯрии Фармондеҳи Қӯшунҳои сарҳадии КДАМ Ҷумҳурии Тоҷикистон Раҷабалӣ Раҳмоналӣ ва раиси Хадамоти давлатии марзбонии Қирғизистон Мирбек Қосимқулов, ки чанд рӯз пеш дар ноҳияи Лайлаки вилояти Ботканди Ҷумҳурии Қирғизистон доир гардид, ба намояндагони мақомоти марзбонии вилояти Ботканди Қирғизистон ва вилояти Суғди Тоҷикистон дода шуд.
Дар ин бора сардори маркази матбуоти Қӯшунҳои сарҳадии КДАМ Муҳаммад Улуғхоҷаев ба хабарнигори АМИТ «Ховар» иттилоъ дод.
Бино ба иттилои Муҳаммад Улуғхоҷаев, зимни мулоқот роҳбарони мақомоти марзбонии кишварҳо доир ба вазъ дар марзи давлатӣ ва дигар ҳудудҳои берунаи қаламрави ИДМ табодули назар намуда, дурнамои ҳамкории минбаъдаро баррасӣ карданд. Дар ҷараёни гуфтушунид ба масъалаи тадбирҳои муштараки дуҷониба ҷиҳати пешгирӣ ва ҳаллу фасли вазъҳои мухолифатомез дар марз низ таваҷҷуҳи хосса зоҳир карда шудааст.
Роҳбарони мақомоти марзбонии Тоҷикистону Қирғизистон барои нигаҳдориву густариши робитаҳои дӯстиву ҳамҷаворӣ, зарурати баргузории тадбирҳои гуногуни муштарак миёни ҷавононро таъкид намудаанд.
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
