Нисбат ба собиқ раиси ҷамоати шаҳраки «Бӯстон-қалъа»-и ноҳияи Бохтар парвандаи ҷиноятӣ оғоз гардид
ДУШАНБЕ, 06.02.2017. /АМИТ «Ховар»/. Парвандаи ҷиноятӣ нисбат ба собиқ раиси ҷамоати шаҳраки «Бӯстон-қалъа»-и ноҳияи Бохтар Ҷӯрабек Холов бо моддаи 247 қисми 3 банди «а» КҶ Ҷумҳурии Тоҷикистон оғоз гардидааст. Он баъди ба итмом расидани тафтиши пешакӣ бо тасдиқи фикри айбдоркунӣ барои моҳиятан баррасӣ намудан ба суд ирсол карда шуд.
Дар ин бора аз Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба АМИТ «Ховар» хабар доданд.
Бино ба иттилои манбаъ, Ҷӯрабек Холов ҳангоми дар вазифаи раиси ҷамоати шаҳраки «Бӯстон-қалъа»-и ноҳияи Бохтар фаъолият намуданаш, дидаву дониста, ки ваколати ҷудо намудани қитъаи заминро надорад, бо роҳи фиреб ва суиистифода аз вазифа моҳи октябри соли 2013 ба боварии шаҳрванд Н. Шамсуллоев даромада, ваъда додааст, ки бар ивази маблағи 3000 доллари ИМА ба номаш аз заминҳои ҳудуди ҷамоати зикршуда дар масоҳати 0,8 га қитъаи замини наздиҳавлигӣ ҷудо ва ҳуҷҷатгузорӣ карда медиҳад. Вале маблағи 3000 долларро гирифта, ба манфиати шахсии худ сарф намудааст.
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
