Паём-барномаи рушди босуботи иқтисодиву иҷтимоии кишвар
ДУШАНБЕ,08.02.2017/АМИТ«»Ховар»/. Дар Донишкадаи политехникии Донишгоҳи техникии Тоҷикистон дар шаҳри Хуҷанд конфронси ҷумҳуриявӣ баргузор гардид. Зимни он амалишавии се ҳадафи стратегии давлат, ки дар Паёми имсолаи Пешвои миллат зикр шудаанд, мавриди таҳлил ва омӯзиш қарор гирифтанд.
Тавре аз донишкадаи мазкур хабар доданд, Мирзоқосим Каримов, мудири шуъбаи рушди иҷтимоӣ ва робита бо ҷомеаи мақомоти иҷроияи ҳокимияти давлатии шаҳри Хуҷанд иброз дошт, ки Паём барномаи мукаммал барои як соли минбаъда буда, иҷрои бандҳои он вазифаи ҷонии ҳар як шаҳрванд аст. «Моро месазад, ки дар амалишавии ҳар як нуктаи Паёми Пешвои миллат ҷаҳду талош ва фаъолияти пурсамар намоем, зеро Паём роҳнамои ҳар як сокини мамлакат ва барномаи рушди босуботи иқтисодиву иҷтимоии кишвар мебошад». Устодони донишкада дар бораи масъалаҳои ҳалталаби истиқлолияти энергетикӣ, истифодаи оқилонаи захираи обӣ ва амнияти озуқаворӣ, пояҳои рушди устувори соҳаи саноати кишвар сухан карданд.
Дар қисмати дуюми кори конфронс дар бахшҳои алоҳида наздики 70 мақолаи илмии устодони мактабҳои олии кишвар мавриди таҳлилу баррасӣ қарор гирифтанд.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
