«Ҷавонон бар зидди терроризму экстремизм»- вохӯрии судманд дар ноҳияи Ҷ. Расулов

ХУҶАНД, 29.03.2017. /АМИТ «Ховар»/. Пайвастани ҷавонон ба ҳизбу ҳаракатҳои иртиҷоӣ ва гурӯҳҳои тундрави экстремистиву террористӣ, окибатҳои он, пешгирии омилҳои он ва равона намудани ҷавонон барои донишандӯзиву корҳои созандагӣ- чунин буданд масъалаҳои асосии вохӯрие, ки дирӯз дар ноҳияи Ҷаббор Расулов доир гардид. Вохӯрӣ таҳти унвони «Иштироки ҷавонони ноҳия дар бартарафсозии омилҳои номатлуби иҷтимоӣ» бо ибтикори Мақомоти иҷроияи ҳокимияти давлатии ноҳия ва Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон баҳри татбиқи сиёсати давлатӣ оид ба ҷавонон ҷиҳати пешгирии амалҳои номатлуби иҷтимоӣ бо иштироки ҷавонони фаъол ва мутасаддиёни соҳаи ноҳия баргузор шуд.

Тавре ба хабарнигори минтақавии АМИТ «Ховар» аз бахши кор бо ҷавонон, варзиш ва сайёҳии Мақомоти иҷроияи ҳокимияти давлати ноҳия хабар доданд, дар вохӯрӣ зикр гардид, ки дар ҷомеаи имрӯза аз таъсири таблиғоти ифротгароёна ва оштинопазири милливу мазҳабӣ эмин нигоҳ доштани ҷавонон аз ҷумлаи вазифаҳои муҳими давлат ва ҷомеа ба ҳисоб меравад.

Наврасону ҷавононро мебояд саъю талоши хешро ба донишандӯзӣ, интихоби касбу ҳунарҳои муосир, ободиву пешрафти сарзамини аҷдодӣ, ҳимояи Ватан, рушди илму техника ва бунёдкорӣ равона созанд.